MONGO HAKIMU 11:18 - KITABI HABARI MOPIOHE

¹⁸ Lapatao̒ timongolio helo potolonga mola nonao̒ limongolio lolibaya huta ohungayo u luasi daa̒, bo diila lolibaya tomadala lo Edom wau Moab, bo malohama dalala lohelili tunggula leidungga mola to ambahu tiimuru lo Moab, to ngotuali lo Dutula Arnon. Timongolio helo tikema mola teto, bo diila lobalangao̒ todutula boito, sababu madala boito leituwoto tomadala lo Moab.

MONGO HAKIMU 11:18 Iomraidhean Croise

YIA̒APO 20:22

Ngoilanggubu umati lo Isirai̒lu lololaa mao̒ Kades lapatao̒ malei dungga mola to hui̒dee Hor,

YIA̒APO 22:36

Tou̒ tei Balak loo̒dungohe deu̒ tei Bileam mamei dungga mai, tio mola lolutulai olei Bileam tokota lo Moab, u dudutuulio tobiihu Dutula Arnon, to sipatana madala lo Moab.

TINGULI 2:18

‘Todulahee botie timongoli molibaya madala lo Moab, lumaode tolipu lo Ar.

TINGULI 2:24

“Lapatao̒ ito yilumaode tomadala lo Moab, Eeya lotahuda mai ode laatia, ‘Ponao̒lo botia mobalango Dutulaa Arnon. Wau̒ mamohudu mai olemu tei Sihon, olongia lo Amori tapale-paleenta to Hesybon, pee̒-pee̒enta wolo lipulio. Tuhuwalo tio, lapatao̒ huloi̒ mao̒ hutalio.

TINGULI 2:9

Eeya lotahuda mai ode laatia, ‘Taulo Moab, wali lei Lot, diila mowali puyuwo limongoli. Diila mao̒ olo tuhuwo limongoli. Lipu lo Ar mailohi-U̒ ode limongolio wau lonto huta limongolio penu boli ngoi̒di mao̒ diila tawohi-U̒ olemu.’ ” (