MONGO HAKIMU 11:10 - KITABI HABARI MOPIOHE

¹⁰ Timongolio lolametao̒, “Ami akolo, Eeyaalo tasakusiilio.”

MONGO HAKIMU 11:10 Iomraidhean Croise

ILOOWALI 16:5

Lapatao̒ ti Sarai loloi̒ya mao̒ olei Abram, “Watia malohudu mai ti Hagar wato lo watia to olemu, wau anggadu ilotaawalio deu̒ tio maa ilombodaa̒, tio diilalo momaduli olaatia. Uito totalaamu. Hinta Eeya momutuusani mai palakala botie to wolotanto duulota.”

ILOOWALI 21:23

Sababu uito potadiaalo teewe totalu lo Allahu Taa̒ala, deu̒ yio̒ diila tamohutu udiila juujulu to olau̒, meaalo ode mongo walau̒uu̒ meaalo ode waliiu̒ mai. Debo odelo wau̒ maa ilopiohe lohilao to olemu, pohutua mao̒ odito olo to olau̒ wau ode lipu ubilu-biluloa̒ olemu botie.”

ILOOWALI 31:50

Tei Laban luli loloi̒ya mao̒, “Wonu yio̒ mohutu u moleeto ode mongo walau̒uu̒, meaalo monika wolo mongobua wewo, eleponu diaaluo tamotota, eelailo mao̒, Allahu Taa̒ala tamo ngimato mai olanto.

ILOOWALI 31:53

Allahu Taa̒ala tahe pujaa lei Abraham wau hepujaa li paapau̒ Nahor mamowali hakimu to wolotanto.” Lapatao̒ tei Yako malotadia domi Allahu Taa̒ala tahe tuboo lei Isihaka, tiyamolio, u moe̒elao̒ dantilio.

PILOTIMUA̒TA 20:7

Diila mao̒ polanggula tanggulu-U̒ wolo laatao̒ laatao̒, sababu Wau̒, Eeya Allahu Taa̒ala limongoli, mohukuumani mai penu boli tatoonu tamomake tanggulu-U̒ lou̒ talatala.

YEREMIA 29:23

Odieelo mola paladi mongolio sababu malohutu duduu-sawaalo dadaata daa̒ to Isirai̒lu: timongolio helojina, wau helomake tanggulo Eeya u lohungguli susuu-aliyaalo u diila otutu. Uito bubuu-lemenga wolo u otohilaa lo Eeya. Otaawa-Lio wolo u hepohutuo limongolio, wau Eeya lohihilao lowali sakusi loluwali olimongolio. Eeya malo tahuda mai.”

YEREMIA 42:5

Timongolio loloi̒ya olaatia, “Pohile lamiaatia alihu ti Paaa̒ modua̒ mola ode Eeya Allahu Taa̒alanto, sababu amiaatia motohilaa modungohe to Eeya, alihu owowoluwoa lamiaatia mowali mopoiohu. Oditolio, mopiohu meaambo mobulilo tahuli mai lo Eeya boito, madudua̒ mao̒ lamiaatia. Huliilo mao̒ Eeya mowali sakusi tamotulidu hale wau tatapu molotolo hilao ode lamiaatia, wonubolo amiaatia diila modudua̒a ngoa̒amila palenta u wohi mai Eeya ode lamiaatia motimbulude oli Paaa̒.”

MIKHA 1:2

Dungohiilo, wuu babaa-ngusawalo! Poo̒tuotilo, wuu tuango lipu ngoilanggubu dunia! Eeya Taa Laba-labaalo molanggato dungga-dungga mai odelo sakusi moluwali olimongoli ngoa̒amilalo! Dungohiilo Eeya motahuda mai monto Belee-Lio u mantali tosologa.

JAKARIA 5:4

Eeya Taa Laba-Labaalo kawasa lotahuda deu̒ laa̒nati boito mapo dunggaalio ode yitaato bele lotimii̒du tamootao̒wa wau ode bele lotimii̒du taa u motadia paaluti. Bebee-leyaalo boito matulusi otuhata lo laa̒nati boito tunggula mowali tutuu-wodeyaalo.”

MALEAKHI 3:5

Tahuda lo Eeya Taa Laba-labaalo kawasa, “Wau̒ mamei dungga mai ode olemu u momutoo̒. Wau̒ mahua̒a mowali sakusi ode tahi posihiria, tau-tauwalo tahi pojinawa, tahemo sakusi wimbulo, tahe mohutu diila motulidu hale todelomo mongohi wuupa ode taa hewupaalo, tamodeehe mongo janda, tadidu otiilo otiyamo, wau tau deli, ode ngoa̒amila taa udiila mohulumati ola-U̒.”

ROMA 1:9

Watia laito hemoe̒ela mola olimongoli wonu watia modua̒. Allahu Taa̒ala sakusiilio deu̒ wolo uiloi̒ya lowatia boito otutu. Tiolo Allahu Taa̒ala tahe bayawa lowatia lou̒ lealeaatu lohilao wolo helo pohabari Habari Mopiohe pasali lo Wala-I̒o.

2 KORINTUS 11:31

Allahu Taa̒ala, ti Paapa li Isa Eeya motota deu̒ watia diila mohimbulo. Ilopujiaalo mola tanggu-Lio ohiheo-hiheolo mao̒.

TINGULI 1:16

To wakutu boito watia mongohi mao̒ tuugasi olimongolio odie: Poo̒tuota mao̒ popoo-lobuutola u tumoodei towolota lo bangusaamu. Wohia mao̒ putuusani u aadili, mopio todelomo palakala u aa̒aita wolo tango bangusaamu meaalo moheitao̒ tau deli tahi biluloa̒wa towolota limongoli.

MONGO HAKIMU 11:9

Ualei Yepta mao̒, “Wonu timongoli moheinga olaatia muli mohualinga ode Gilead u moluhu bangusa lo Amon, wau Eeya mopoo̒haama mai olaanto, yi wawaatiyalo tamaa mowali motolo-kawasa mao̒ olimongoli.”

BOHULO SEMUEL 12:5

Lapatao̒ malo loi̒ya tei Semuel, “Todulahee botie Eeya wau olongia tatilulao-Tio mowali sakusi deu̒ wau̒ malo patatai diila ototala penu boli ngoi̒di mao̒.” “Saaya otutu, Eeya lowali sakusinto,” tametao̒ limongolio.

BOHULO SEMUEL 24:12

Bilohilo mai, Paapa lo watotia! Bilohilo mai pitango jumba li Baginda u dilihuma lo watotia botie! Tutuulio tutu watotia moo̒pate oli Baginda mate-mateelo mao̒, bo watotia bo longoyodeo̒ ngoi̒di biihu jumba li Baginda. Oditolio, malo patatao̒ deu̒ watotia diila opatuju u moleeto meaambo mojuluhaka. Ti Baginda helo hila-hilaapita olo watotia u momate olo watotia mate-mateelo mao̒, eleponu watotia diila ototala penu boli ngoi̒di mao̒ toli Baginda.