MONGO HAKIMU 10:6 - KITABI HABARI MOPIOHE

⁶ Umati lo Isirai̒lu luli ilodusa poli to Eeya. Timongolio diila lomandungi Eeya wau diilalo lolubo o-Lio. Timongolio helolubo bubuu-iyaalo Baal wau Asytoret, wau bubuu-iyaalo bangusa lo Siria, Sidon, Moab, Amon wau Filistin.

MONGO HAKIMU 10:6 Iomraidhean Croise

BOHULO MONGO OLONGIA 11:33

Wau̒ mamohutu mai sua̒li boito sababu tei Salomo malo lolaa mao̒ ola-U̒ wau helolubo dedeewaalo, deu̒yito-yito: Asytoret, dewi bangusa lo Sidon; Kamos, dewa bangusa lo Moab; wau Milkom, dewa bangusa lo Amon. Tei Salomo diila lodudua̒ kahandaki-U̒. Tio diila debo odelo tiyamolio tei Dauda talo dungohe ola-U̒ wau hemo ponao̒ palentaa-U̒.

BOHULO MONGO OLONGIA 11:5

Tei Salomo helolubo Asytoret, dewi bangusa lo Sidon, wau olo Molokh dewa umoo̒ toitupo u hetuboo bangusa lo Amon.

BOHULO MONGO OLONGIA 11:7

Toitaato hui̒dee ambahu tiimuru lo Yerusalemu, tio lopo tihulao̒ tambati polubowalo Kamos, dewa taulo Moab, wau ode Molokh, dewa taulo Amon – duduuluwolo dewa umoo̒ toitupo.

BOHULO MONGO OLONGIA 16:31

Diipo lotuuheta to olio olo tilumumula ilodusa debo odelo ti Olongia Yerobeam, tio tumbao̒ lonika woli Isebel walai̒ Olongia Etbaal lonto Sidon, wau tio helo ibaadati to Baal.

OLUO MONGO OLONGIA 17:16

Timongolio helo lambanga ngoa̒amila butoo̒ lo Eeya, Allahu Taa̒ala limongolio, wau lohutu sapi mohelu duluo lonto logamu u hetuboolo. Timongolio lohutu bui̒ lo Dewi Asyera, helolubo bibii-natangiyalo wau hipo ibaadatia ode Dewa Baal.

OLUO MONGO OLONGIA 23:13

Wau olo memees-bawaalo to wimbihu tiimuru lo Yerusalemu, to ambahu huliaalio lo Huludu Ololeeto hepilo najisilio. Memees-bawaalo boito hepilo tihuli Olongia Salomo u polubowalo dedeewaalo u moo̒jijio̒ – deu̒yito-yito Asytoret dewi bangusa lo Sidon, Kamos dewa bangusa lo Moab, wau Milkom dewa bangusa Amon.

OLUO TAWARI 28:23

Tio helopo topotala batangalio wau ulipulio sababu helo podewo bake ode dedeewaalo taulo Siria umalo poo̒laaheo̒ olio. To pikiilangilio mola, “Dedeewaalo Siria malomantu tomongo olongia lo Siria, oditolio wonu wau̒ mopodewo mao̒ bake ode limongolio, tanu wau̒ mabantualio olo.”

JABURU 106:36

Lapatao̒ timongolio lolubo babaa-lahalaalo, wau uito heloo̒ sababu obobinasa limongolio.

YESAYA 23:4

Wuu kota lo Sidon, ohurumatimu mailooli! Auhe daa̒ u modelomo diilalo motolongaku olimongoli, ualio, “Wau̒ diipo pee̒enta ilowalao̒, diipo pee̒enta mao̒ helo pou̒daa̒ mola walao̒ talolai̒ meaambo tabua.”

YEREMIA 2:13

Umati-U̒ helohutu dusa dulo dalaala: timongolio helo bulemenga ola-U̒, butu lotaluhu ulongohi tutumulo ode manusia; timongolio helohutu ode batangalio kulamu lotulotuto u diila mowali mongotonga taluhio.”

YEREMIA 2:20

Eeya lotahuda mai, “Malohiheo yio̒ diila motohilaa motiwato to Olau̒; diila motohilaa modungohe meaalo molubo ola-U̒. Toitaato timii̒du huludu u bihibihile molanggato, wau towalungo timii̒du bungo lo ayu u mohimbungo yio̒ helolubo dedeewaalo u molomiodu.

YEREMIA 32:23

Bo tou̒ timongolio lonao̒ mai ode lipu botie wau lohama mao̒, timongolio diila lodungohe to ngoa̒amila palenta lo Eeya, wau diila tilumumulo lodudua̒ ngoa̒amila pongaajali lo Eeya. Ngoa̒amila upilo malenta mai lo Eeya ode limongolio diaaluo penu boli tuwau mao̒ u piloponao̒ limongolio. Sababu uito Eeya lopodungga mai totoonulalo baala botie ode yitaati mongolio.

YEHESKIEL 27:16

Mongo daahangi monto lipu lo Siria motali babaa-langiyaalo daahangimu wau ngoa̒amila tilapulumu u dadaata boito. Timongolio momaayali mai wolo polioto monto botu poliyoto moidu ohalaga daa̒, kaingi meela lailoumu, kaingi okarawo, lineni moa̒aluti, polioto monto botu koral wau botu meela dalima.

TINGULI 13:6

Wonu bolo wutati mongoli meaalo walai̒ mongoli talolai̒ meaalo taabua, meaalo dile limongoli taabua u otolia̒ngi mongoli meaalo sahaabati modudula daa̒ woli mongoli lou̒ poo̒-poo̒oyo momio olimongoli u molubo ila-ila wewo udiila oonuhe limongoli wau diila oonuhe lo loluuhuru limongoli, ila-ila monto babaa-gusawaalo ubilu-biluloa̒ meembidu wau molaminga,

TINGULI 13:8

diila mao̒ dungohi tio wau diila mao̒ polulia batangamu piyoolio. Diila mao̒ tolia̒ngi olo meealo moduo̒la totau boito.

TINGULI 31:16

Tahuda mai lo Eeya odelei Musa, “Opopatemu diilalo mohiheo. Lapatio mao̒ yio̒ monao̒, bangusa lo Isirai̒lu diilalo tatapu wau molotolo hilao to ola-U̒ wau mamomaahe daantia u pilohutu-U̒ woli mongolio. Timongolio mamololaa mao̒ ola-U̒ mota molubo ila-ila u hetuboolo tolipu udiilalo mohiheo potuwota limongolio.

TINGULI 31:17

Wonu uito motoduo mai, omulukaa-U̒ mamo walihuhu toli mongolio. Timongolio matolaa-U̒ wau pobinasaa-U̒. Dadaata baala moo̒tihela hapato mamolemba olimongolio lapatao̒ timongolio mamongalati mao̒ deu̒ ngoa̒amila boito motoduo sababu Wau̒, Allahu Taa̒ala limongolio, diilalo pee̒-pee̒enta woli mongolio.

TINGULI 32:15

Umati lo Eeya lowali kaya, bo yinao momalakala, timongolio hiliingohe, hibutuhe lou̒ aalo. Lapatao̒ timongolio lololaa mao̒ Allahu Taa̒ala, Talopowali mai olio wau diila mololimo Tamoo-poa̒ahua olio tamolotolo boli buheli.

YOSUA 13:31

Wumbutio mola tuwotuwoto olo ngotayade duluo madala lo Gilead, wau Asytarot wau Edrei, deu̒yito-yito oluo tiilo lokota tomadala okokawasa li Olongia Og to Basan. Ngoilanggubu lipu boito yiludulio mao̒ ode ngotayade duluo ngaalaa̒-ngaalaa̒walo wali lei Makhir, walae̒e Manasye.

MONGO HAKIMU 10:5

Tei Yair yilate olo, wau yilobungio to Kamon.

MONGO HAKIMU 11:24

Wau masaatia botie wolo yio̒ ohilaa muli mohama mao̒? Huta uilohi lei Kamos, dewamu boito, ode olemu mowaliilo debo haku limongoli. Bo wolo u mailohi lo Eeya, Allahu Taa̒ala lamiaatia ode lamiaatia madebo dihima lamiaatia tio̒otutua.

MONGO HAKIMU 13:1

Taulo Isirai̒lu luli ilodusa to Eeya, lapatao̒ Eeya lopoluli olimongolio he kiluwaasa taulo Pilistin ngotilonggadu wopato pulu lotaunu mola hiheolio.

MONGO HAKIMU 16:23

Todulahee tuwau tahi kawasawa lo Pilistin loa̒mbua ohilaa mohutu potihunggu wau mopodewo bake lou̒ uda-udaa̒alo mao̒ ode Dagon, dewa limongolio. Timongolio helo polahu mola, “Dewanto malongohi olanto u loo̒haama to olei Simson, musunto!”

MONGO HAKIMU 3:7

Umati lo Isirai̒lu ilodusa to Eeya, Allahu Taa̒ala limongolio. Timongolio helo malonga Olio, tilinggula timongolio malo ibaadati to babaa-laahalaalo Baal wau Asyera.

MONGO HAKIMU 4:1

Lapatao̒ tei Ehud yilate mao̒, bangusa lo Isirai̒lu luli ilodusa to Eeya.

MONGO HAKIMU 6:1

Pee̒entapo umati lo Isirai̒lu ilodusa to Eeya, tilinggula Tio lopoluli mao̒ bangusa lo Midian helo tolokawasa olimongolio pitu lotaunu mola hiheolio.

MONGO HAKIMU 8:33

Lapatao̒ tei Gideon yilate mao̒, taulo Isirai̒lu diilalo tatapu wau molotolo hilao ode Allahu Taa̒ala. Timongolio helolubo dedeewaalo Baa̒l wau lopowali Baa̒l-Berit dewa limongolio.

BOHULO SEMUEL 5:2

Mota teto bulua boito dilelo limongolio tilumuwota ode kuili lodewa limongolio, Dagon, wau pilodutulio totili lobui̒ dewa boito.