MONGO HAKIMU 10:16 - KITABI HABARI MOPIOHE

¹⁶ Lapatao̒ timongolio malolapi ngoa̒amila bui̒ baalahala, lapatao̒ lolubo Allahu Taa̒ala. Yi Allahu Taa̒ala olo malodehu hilaa-Lio loo̒onto olimongolio todelomo suusa.

MONGO HAKIMU 10:16 Iomraidhean Croise

ILOOWALI 6:6

Tio olo malolee̒e lopowali olimongolio wau lopo tambati olimongolio todunia. Tio malo ilokikiio̒ hilao,

OLUO MONGO OLONGIA 13:23

Bo Eeya lodehu hilao to umati-Lio wau helo ngambungu mai olimongolio. Tio diila motohilaa mopoluli olimongolio pobinasaalio bo motulungi olimongolio domi daantia-Lio wolei Abraham, Isihaka wau Yako. Tunggula botie diila pee̒enta mao̒ Eeya helo malonga umati-Lio.

OLUO TAWARI 15:8

Tou̒ tei Asa loo̒dungohe loi̒ya lei Ajarya walae̒e Oded boito, malo walihuhulo sumangatilio. He yilinggilio ngoa̒amila balaahala tolipu lo Yehuda wau Benyamin, wau to kokoo-tawaalo umaa ilolaahelio to hihui̒-hui̒dea lo Epraim, tulusi piloo̒piohio mao̒ mesba lo Eeya uwoluo to palepelo Bele lo Eeya.

OLUO TAWARI 33:15

Tio helohinggi bubuu-i̒yaala dewa bangusa wewo wau babaa-laahalaalo u maa pilo dutulio to Bele lo Eeya. Tio helo monggali memees-bawaalo balaahala uwoluo tohuludu Bele lo Eeya, wau tataa-mbatiyalo wewo to Yerusalemu. Ngoa̒amilalo boito dilelolio ode bulmengo kota tulusi tilapilio.

OLUO TAWARI 7:14

tulusi umati-U̒ tamomake tanggulu-U̒ boito motidupapa lobatanga, wau modua̒ mola wau mohudu batanga ode ola-U̒ wau mololaa mao̒ huhutu limongolio u moleeto, yi monto sologa Wau̒ mamo dungohe dua̒ limongolio. Wau̒ mamo ngambungu mai dusa limongolio wau mopowali mai lipu limongolio muli maa̒amulu.

JABURU 73:21

Tou̒ watia helolaasa mola diila sanangi hilao wau hilaa lowatia debo odelo ilotuhia,

YESAYA 63:9

Eeya lohihilao ilodungga lo usuusa limongolio, Eeya diila lolao utolia meaambo duta; Eeya lohihilaolo talo lopata olimongolio sababu ponu wau odehu hilaa-Lio. Eeya laito molaala olimongolio tumulalo muloololio mai daa̒.

YEREMIA 31:20

Isirai̒lu, yio̒ walao̒ tai̒loponu-U̒, walao̒ ilohilaa-U̒, wau polaantapu-U̒. Timii̒du Wau̒ monganjamu Wau̒ laito moe̒elai olemu lou̒ mooloolo. Yio̒ mapohutuwo-U̒ mai wolo lealeaatu odehu hilao.

HOSEA 11:8

Eeya lotahuda mai, “Wuu Isirai̒lu, diila pongalo aakali yio̒ poluli-U̒ meaalo tolaa-U̒. Tingga mowali yio̒ antuluwo-U̒ debo odelo tei Adma? Meaalo pohutuwo-U̒ debo odelo tei Jeboim? Diila owalia lo hilaa-U̒ mohutu mao̒ sua̒li boito, sababu ponu-U̒ udaa̒ tutu olemu!

HOSEA 14:8

Timongolio maa muli mohualingai ode Olau̒ wau motibiluloa̒ todelomo wunelu-U̒. Wolo ngoi̒nta mola daa̒ timongolio maa oduheenga mao̒ maa̒amulu, debo odelo pale lobutu mola to halabolu u molomiodu wau debo odelo ileengi lo angguru. Debo odelo taluhu angguru lo Libanon tangguli mongolio masa-masaahuru.

MIKHA 7:18

Diaaluo Allahu Taa̒ala debo odelo Eeya, yaa Eeya, tamo ngambungu dusa lo umati tilulaoto Eeya u ilolabita. Diila u ohiheolo mao̒ Eeya muluka; bolii̒o mao̒, Eeya sanangi mopobilohei ponu lo Eeya udiila o eenggadelio boito.

LUKASI 15:20

Yi lomonggatolo tio lohualinga odeli paapalio. Donggo molamingo monto bele, tio mai̒loontonga lipaapalio. Lou̒ lodehu daa̒ hilaa lipaapalio tilumetea̒ mota lodunggaya wolio, tulusi longoo̒de wau lodiilo olio.

LUKASI 19:41

Tou̒ ti Isa lebe hemembideo̒ wolo Yerusalemu, wau loo̒onto mota kota boito, mahiliyonga-Lio kota boito.

YAHYA 11:34

Yi Tio malohintu mao̒ olimongolio, “Tou̒toonu pilolobunga limongoli olio?” “Toduwolo mai bilohi lo Eeya,” tametao̒ limongolio.

EPESUS 4:32

Bolii̒o mao̒, mamusi timongoli o hilao u mopiohe wau modehu hilao ode ngota-timongota, wau mongaa-ngambungua tutuuwauwa debo odelo Allahu Taa̒ala olo longambungu mai olimongoli lotimbulude li Almasi.

TINGULI 32:36

Eeya mamo poa̒ahu mai umati-Lio wau momonu mongo wato-Lio, wonu Tio moo̒onto olimongolio diila olotolo wau mai̒lo pulita lo lotolo.

IBRANI 3:10

Uitolo sababuulio Wau̒ lomuluka olimongolio wau Wau̒ lotahuda, ‘Timongolio laito diila tatapu wau molotolo hilao, wau mopanggu modungohe totoonulalo palentaa-U̒?’

IBRANI 4:15

Ti Iimamu Daa̒anto boito diila iimamu tadiila moo̒ dudua̒ molaasa mao̒ totoonulalo oluluu-puhunto. Bolii̒o mao̒, Tio maili montala todelomo totoonulalo sua̒li, tutuuwauwa debo odelo ito lohihilao; bo Tio diila helohutu dusa!

YOSUA 24:23

“Wonu odito, yinggilalo ila-ila lo babaa-ngusawalo wewo u woluo toli mongoli boito,” ualei Yosua, “wau podantilo deu̒ timongoli matatapu wau molotolo hilao to Eeya, Allahu Taa̒ala lo Isirai̒lu.”

MONGO HAKIMU 2:18

Wonu bolo Eeya mongohi mai tau̒wa ngota ode bangusa lo Isirai̒lu, Eeya laito hemo tulungi mao̒ tau̒wa boito. Wau ngotilonggadu tau̒wa boito donggo tumutumulo, Eeya laito hemo lopata olimongolio monto mumuu-suuwaalo limongolio. Tio momonu olimongolio wonu bolo odungohe-Lio timongolio hiwuwaatia̒ longongoto sababu alinaya wau hedeehelio.

BOHULO SEMUEL 12:10

Lapatao̒ timongolio helodua̒ mola ode Eeya wau lotolongaku dusa limongolio; uali mongolio mao̒, ‘Mongowatotia mailodusa sababu helohei lonto Eeya, yaa Eeya wau helolubo bubuu-iyaalo Dewa Baal wau Asytoret. Bo, botia, poa̒ahuwalo mai mongowatotia monto musu lo mongowatotia, yi mongowatotia mamotiwato to Eeya!’

BOHULO SEMUEL 7:3

Lapatao̒ malo loi̒ya tei Semuel ode umati lo Isirai̒lu, “Wonu timongoli ohilaa mohuwalingo ode Eeya wau molubo o-Lio wolo lea-leaatu lohilaamu, mamusi timongoli mohinggi ngoa̒amila dewa deli wau bui̒ Dewi Asytoret. Wuduwalo mola batangamu sama-samata ode Eeya wau taa̒luku boli pasisi o-Lio wambao̒, yi timongoli mabebasia-Lio monto taulo Filistin.”

BOHULO SEMUEL 7:4

Oditolio taulo Isirai̒lu malo hinggi ngoa̒amila Bui̒ Baal wau bui̒ Dewi Asytoret, turusi bo lomaya to Eeya wambao̒.