MONGO HAKIMU 10:15 - KITABI HABARI MOPIOHE

¹⁵ Bo umati lo Isirai̒lu loloi̒ya ode Eeya, “Mongowatotia mai̒lodusa, Eeya. Pohutuwalo mai wolo wambao̒ u kahandakia lo Eeya, asali Eeya motulungi mai olo mongowatotia todulahee botie.”

MONGO HAKIMU 10:15 Iomraidhean Croise

OLUO LO SAMUEL 10:12

Poo̒lotolalo mola hilaamu! Dulo ito mohipate wolo buheli ode bangusanto wau ode kokoo-tawaalo Allahu Taa̒alanto. Pohileaala dua̒ Eeya mohutu mai wolo u kahandakio-Lio.”

OLUO LO SAMUEL 12:13

Lapatao̒ ualei Dauda odelei Natan, “Wau̒ mailodusa to Eeya.” Tametao̒ lei Natan, “Eeya malo ngambungu mai oli Baginda; oditolio ti Baginda diila taamate.

OLUO LO SAMUEL 15:26

Bo wonu Eeya diila aahudu olau̒, yi bolo totoonulalo tou̒ wolo u kahandakio-Lio to batangau̒!”

OLUO LO SAMUEL 24:10

Bo lapatao̒ tei Dauda yilapato lo yia̒apao̒ bangusa boito, tio molaasa ilototala, lapatao̒ loloi̒ya ode Eeya, “Yaa Eeyaa, watotia laba-labaalo ototala! Aambungua mai watotia, sababu huhutu lo watotia boito mohulode daa̒.”

OLUO LO SAMUEL 24:14

Tei Dauda lolametao̒, “Aduu! Matopotala wau̒! Bo tumbao̒ wau̒ maa hukuumanio lo manusia, yi lebe mopioheo̒ ito ngoa̒amila hukuumanio mai lo Eeya, sababu udaa̒ ponu-Lio.”

AYUBA 33:27

Yi totalu lotaa dadaata tio mamoloi̒ya, ‘U moleeto ilanggapuu̒ mopiohu, yi iludaa̒alo mola dusau̒, bo Allahu Taa̒ala diila lohukuumani mai olau̒.’

POHUMAYA 28:13

Tatoonu tamoluuo̒ dusalio diila tau̒untungi. Tatoonu tamongaku wau mololaa mao̒ dusalio, maponuo lo Eeya.

YESAYA 26:16

Eeya malo hukuumani olamiaatia; todelomo ileepita amiaatia lololaa mao̒ to Eeya, wau helodua̒ mola to Eeya, yaa Eeya.

YUNU 2:4

To delomo hilaa lo watotia loi̒loi̒ya: Eeya malo polahi olo watotia botie lonto talu-Lio. Watotia diilalo loo̒onto bele biluloa̒a-Lio u mantali.

YUNU 3:9

Otanu Allahu Taa̒ala mamo lomelao̒ niyati-Lio wau diilalo muluka tilinggula ito diila momata binaasa!”

YOSUA 9:25

Botia amiaatia todelomo kawasa li Tuani. Pohutuwalo mai toonu u mopiohe modudua̒ to poomilohi Tuani ode lamiaatia.”

BOHULO SEMUEL 12:10

Lapatao̒ timongolio helodua̒ mola ode Eeya wau lotolongaku dusa limongolio; uali mongolio mao̒, ‘Mongowatotia mailodusa sababu helohei lonto Eeya, yaa Eeya wau helolubo bubuu-iyaalo Dewa Baal wau Asytoret. Bo, botia, poa̒ahuwalo mai mongowatotia monto musu lo mongowatotia, yi mongowatotia mamotiwato to Eeya!’

BOHULO SEMUEL 3:18

Lapatao̒ tei Semuel lopoo̒taa mao̒ ngoa̒amilalo boito odelei Eli. Diaaluo penu boli tuwau mao̒ u hiluliilio. Lapatao̒ malo loi̒ya tei Eli, “Tio Eeya, huliaalo mao̒ Eeya mopohutu mai wolo u anggapuo-Lio mopiohe.”

BOHULO SEMUEL 7:6

Lapatao̒ malo ambuwa timongolio ngoa̒amila to Mispa. Timongolio helo luuntu taluhu tulusi loluangao̒ odelo podewo ode Eeya, lapatao̒ timongolio lopuasa ngohilayao̒ dulahee boito. Uali mongolio, “Amiaatia mailodusa to Eeya.” (To Mispa boito tei Semuel malo poo̒lapato ngoa̒amila palakala hulinggila taulo Isirai̒lu.)