MONGO HAKIMU 10:10 - KITABI HABARI MOPIOHE

¹⁰ Lapatao̒ umati lo Isirai̒lu helo ngiibodu mola ode Eeya, ualio mao̒, “Mongowatotia mailodusa to Eeya, mongowatotia diila lomandungi to Eeya, oo Allahu Taa̒ala lo mongowatotia. Mongowatotia helolubo bubuu-iyaalo Baal.”

MONGO HAKIMU 10:10 Iomraidhean Croise

JABURU 107:13

To delomo usuusa timongolio helo ngiibode to Eeya, wau Eeya lolopatai olimongolio lonto ileepita.

JABURU 107:19

To delomo usuusa timongolio longiibode to Eeya, wau Eeya lolopato olimongolio lonto ileepita.

JABURU 107:28

To delomo usuusa timongolio longiibode to Eeya, wau Eeya helo lopatai olimongolio lonto ileepita.

YEREMIA 2:27

Timongoli mapoo̒o-litolio, sababu ayu ngoputu hetanggula limongoli paapa wau botu tuwau hetanggula limongoli maama. Timongoli diila bo lonao̒ mai ode Olau̒, bo helo lolaa ola-U̒. Bo wonubolo meidungga mai usuukali, Wau̒ulo tamotiango olimongoli u monao̒ mai mopoa̒ahu olimongoli.

MONGO HAKIMU 10:9

Taulo Amon tumbao̒ helo balango Dutula Yordan u lonao̒ loluhu suku Yehuda, Benyamin wau Efraim tunggula umati lo Isirai̒lu helo dutolaa daa̒.

MONGO HAKIMU 3:9

Lapatao̒ umati lo Isirai̒lu helo ngiibode lei̒ tulungi to Eeya, tulusi Eeya longohi mai olei Otniel u lopo lopata olimongolio. (Tei Otniel yito walao̒ lonto Kenas, tawali-yali lei Kale.)

MONGO HAKIMU 4:3

Tei Yabin okaleta lo popaatea tio lohetuto lonto wate. Dulo pulu lotaunu mola tio helo ngawaasa taulo Isirai̒lu lou̒ diila omanusia. Lapatao̒ timongolio malo ngiibode lei̒ tulungi mai to Eeya.

MONGO HAKIMU 6:6

wau umati lo Isirai̒lu diila moo̒hutu wolo-wolo toli mongolio.

BOHULO SEMUEL 12:10

Lapatao̒ timongolio helodua̒ mola ode Eeya wau lotolongaku dusa limongolio; uali mongolio mao̒, ‘Mongowatotia mailodusa sababu helohei lonto Eeya, yaa Eeya wau helolubo bubuu-iyaalo Dewa Baal wau Asytoret. Bo, botia, poa̒ahuwalo mai mongowatotia monto musu lo mongowatotia, yi mongowatotia mamotiwato to Eeya!’

BOHULO SEMUEL 7:6

Lapatao̒ malo ambuwa timongolio ngoa̒amila to Mispa. Timongolio helo luuntu taluhu tulusi loluangao̒ odelo podewo ode Eeya, lapatao̒ timongolio lopuasa ngohilayao̒ dulahee boito. Uali mongolio, “Amiaatia mailodusa to Eeya.” (To Mispa boito tei Semuel malo poo̒lapato ngoa̒amila palakala hulinggila taulo Isirai̒lu.)