MONGO HAKIMU 1:7 - KITABI HABARI MOPIOHE

⁷ Ualei Adoni-Bejek, “Omoo̒omolu pitu lota olongia mapilontoduu̒ tiyombu lo uluu̒ wau oa̒atio, lapatao̒ yiluliyau̒ mao̒ timongolio helo lamela labito ua̒alo ulodehu lonto mejau̒. Botia Allahu Taa̒ala lopohutu mai olau̒ tutuuwauwa debo odelo umaa pilohutuu̒ olimongolio.” Lapatao̒ tei Adoni-Bejek dilelolio ode Yerusalemu, wau mola teto tio yilate.

MONGO HAKIMU 1:7 Iomraidhean Croise

BOHULO MONGO OLONGIA 21:19

wau potunggula mao̒ olio, deu̒ Wau̒ Eeya, lotahuda mai odie, ‘Malomate yila-yilateelo mao̒, boli lolambato! Sababu uito duhumu madilata lo apula totambati lo aa̒a-pulawaalo helo dilata duhu lei Nabot.’ ”

PILOTIMUA̒TA 29:20

Lapatao̒ olota mao̒ himba ulai̒ boito, hamawa mao̒ ngoi̒di duhulio wau pomaide mao̒ tobulongo olowala lei Haruna wau mongo walai̒o, totiilo tingongoa lo uluu̒ olowala wau tiilo tingongoa lo oa̒ato olowala limongolio. Labito duhu boito musi pomuhutumu mao̒ to opato biihio lo mesba.

YESAYA 33:1

Matopotala mumuu-suunto! Timongolio hemolambato eleponu diila yilambatio, wau mohiyanati eleponu diila hiliyanati. Bo lapatao̒ molambato wau mohiyanati, timongolio lohihilao mamowali bake lopolo lambato wau polohiyanati.

JEPANYA 3:19

Masaalio mamei dungga tamoo-deehea olemu antuluwo-U̒, wau taa penggo poa̒ahuwo-U̒; ngoa̒amila tapola-polayahu deloo-U̒ mohualingo. Ohihina limongolio lomelo-U̒ mowali ohulumati; penu boli tou̒toonu wambai̒o, tumbao̒ to ngoilanggubu dunia, timongolio mapo lamahulio wau pujiolo.

ROMA 2:15

Pii̒li limongolio mopo bilohei deu̒ wolo u pilomalenta lobutoo̒ boito malei tulade tohilaa limongolio. Hilaa u maloo̒tapu tinelo Eeya limongolio olo mopo bukuti mai sua̒li boito, sababu timongolio lohihilao tingga maito potalalio tingga maito poo̒tutuo lo pikiilangi limongolio.

YAKOBUS 2:13

Sababu Allahu Taa̒ala diila tamopo bilohei odehu hilao ode taa udiila motota modehu hilao. Bo modehu hilao lebe molotolo wolo hukuumani.

WAHI 13:10

“Taa u musi tawalolo, tantu matawalolo. Wau taa u musi pateelo mate-matelo mao̒ wolo wamilo, tantu mapateelo mate-matelo mao̒ wolo wamilo. Uitolo sababuulio umati lo Allahu Taa̒ala musi taaba wau tatapu molotolo hilao.”

WAHI 16:6

Timongolio malo potuwato duhu umati lo Allahu Taa̒ala wau duhu lomongo nabi; botia Eeya mohutu olimongolio mongilu duhu. Memangi mapatutilio uito ode limongolio!”

MONGO HAKIMU 1:6

Tio tilumetea̒, bo timongolio helo hilapita wau loheu̒pa olio lapatao̒ lomontodeo̒ tiyombu lo uluu̒ wau oa̒atio.

MONGO HAKIMU 9:24

Sua̒li botie lotoduo alihu obaalasia ololeeto lei Abimelekh wau tau-tauwalo Sikhem talo popatu olio u helomate yila-yilateelo mao̒ taapitu lopulu lota mongo walae̒e Gideon.

MONGO HAKIMU 9:57

Wau Eeya olo helo hukuumani tau-tauwalo Sikhem sababu ololeeti mongolio. Sua̒li boito lotuhatawa debo odelo u mailoi̒ya lei Yotam walae̒e Gideon tomimbihu olimongolio tou̒ tio helotadia olimongolio.

BOHULO SEMUEL 15:33

Lapatao̒ tei Semuel loloi̒ya, “Debo odelo wamilumu malohutu dadaata tiilo iloolia lowalai̒o, odito olo tiilamu maa oolia lowalai̒o.” Lapatao̒ tei Semuel longolongao̒ olei Agag totalu lomesba to Gilgal