MONGO HAKIMU 1:15 - KITABI HABARI MOPIOHE

¹⁵ Ti Akhsa lolametao̒, watia motohilaa demoheelu ngolo butu lotaluhu, sababu huta uilohi mai lipaapa olaatia boito woluo tomadala u mohengu.” Yi tei Kale malongohi mao̒ olio butu lotaluhu towimbihu yitaato wau butu lotaluhu to wimbihu tibawa.

MONGO HAKIMU 1:15 Iomraidhean Croise

ILOOWALI 33:11

Halapuo lowatia, tolimowalo mao̒ dewo u madilelo mai lowatia botie. Allahu Taa̒ala maa ilopiohe lohilao to olaatia wau malongohi mai totoonulalo u hitua-tuawua u palaluo lowatia.” Tei Yako helo huntulaa tulusi tunggula pulitio mao̒ tei Esau malo lolimo wowohilio boito.

2 KORINTUS 9:5

Uitolo sababuulio watia molaasa palalu molao mai olimongolio boito ode limongoli meimulo u mongulusipo dembulo u pilodanti limongoli boito. Watia lohutu mao̒ uito alihu de wonu watia monao̒ mai, u wohi limongoli boito mapilo dapato. Lou̒ odito, malo ilaalo deu̒ uwohi limongoli boito yilohi wolo hilaa sanangi, wau diila kalana pakusa.

IBRANI 6:7

Huta u mongintopa taluhu didi u tingga maito molaahe mola toitaatio, lapatao̒ mongohi tilapulo totoonulalo pilomulo u ohuna ode tamo kelakela mao̒, huta boito balakatia lo Allahu Taa̒ala.

YOSUA 15:19

Ti Akhsa malo lametao̒, “Watia ohilaa dengolo butu lotaluhu, sababu huta u mailohi mai lipaapa olaatia boito woluo tolipu u mohengu.” Yi tei Kale malongohi mao̒ olio butu lotaluhu towimbihu tau̒wa wau butu lotaluhu towimbihu bunto.

1 PETRUS 3:9

Diila mao̒ pomalasi u moleeto wolo u moleeto, meaalo puwayo wolo puwayo; bolii̒o mao̒ balasia mao̒ wolo momolohone mola balakati monto Allahu Taa̒ala. Sababu Allahu Taa̒ala motianga olimongoli tumbao̒ alihu timongoli mololimo balakati monto o-Lio.

MONGO HAKIMU 1:14

Todulahu nika limongolio, tei Otniel helo huntula oli Akhsa alihu mohile mao̒ huta ngopita lonto oliyamolio. Yi malo laahulo mola ti Akhsa lonto kolodailio, lapatao̒ tei, “Kale lohintu olio wolo u otohilaalio.

MONGO HAKIMU 1:16

Wali mai liyamo moluhengee Musa, deu̒yito-yito tau-tauwalo Keni, helo duduo̒ taulo Yehuda yilumualao̒ lonto Yerikho, kota lohuruma, wau lonao̒ mola ode madala u mohengu daa̒ to ambahu huliaalio lo Arad to Yehuda. Mola teto timongolio lotitatapu tohuungo bangusa lo Amalek.

BOHULO SEMUEL 25:18

Lapatao̒ ti Abigail hua̒a lohama mao̒ roti dulo hetuto, wau bututu lowalito mohelu duluo hipolua lotaluhu angguru, limo himba pilanggangi, mopulaa pitu lokilo pale tilinanga, ngohetuto pangge hungo lo angguru mohengu wau dulo hetuto kuukisi lo ara. Ngoa̒amilalo boito hediletohio toitaato kolodailio.

BOHULO SEMUEL 25:27

Tolimowalo mao̒ paraseni u dilelo mai lowatotia botie odeli Tuani lowatotia, wau ode tahidudua̒ li Tuani lowatotia.