Rasul 9:8 - O GIKIMOI AWI JAJI ma BUKU

⁸ Kagena de o Saulus womaoko de awi lako wapelenga, duma womasigelelo kawa. So awi nyawa ona magena awi giaka yacoho la wituda wisingosa o Damsyik ma kotaka.

Rasul 9:8 Iomraidhean Croise

Dodadi 14:15

Kagena de asa o Abram waregu awi nyawa magena idadi o bolu muruo nagaka, so asa ona yalawangi de yakudoti o putu itotongirabaka, sidago lo yautungu de asa yaginihi ona magena sidago yahika o Hoba ma dokuka, ena gena kudahu o Damsyik ma doku o koremiaku.

Dodadi 19:11

De kagena ona yasinoto yaaka so asa o nyawa yangodu o tahu ma duduka gena he imasigelelo kawa, sidago lo o tahu ma ngora gena ona yangodu he yamake kawa.

Rasul 13:11

O orasi manena dabolo asa o Jou wonisisangisara ngonaka, so ani lako ipilo sidago o orasi muruo naga so o wange ma siwa lo nakelelo kawa.” O orasi magena dabolo o Elimas wamalo gena koloko awi lako o marasa yasaoka, so wotagi lo ka wopada-pada de o nyawa womasari la wituda.

Rasul 22:11

De o nita ma siwa ma buturu magena sidago ngohi tomasigelelo kawa, so o nyawa imomote gena bilasu ai giaka yacoho de ituda ma bati mimasidiado o Damsyikka.

Rasul 9:18

O orasi magena dabolo de koloko o nao ma dungi ngai sinoto awi lakono asa itura so o Saulus womasigelelo kali. Gila-gila una womaoko so wiosika,

Rasul 9:9

De kagena o wange saange ma raba una womasigelelowa, de lo woodowa de woudowa.

2 Korintus 11:32

Ma orasi ngohi kagena o Damsyik ma kotaka, de ma gubernur kiaka o Kolano Aretas wisitatapu la una wokokuasa, una magena wodupa ngohi itooma. So una awi prajurit wasulo la o kota ma bi ngoraka yojaga la ngohi itago.

Galatia 1:17

De komagena lo ngohi asa totagiwa o Yerusalemka ma ngale o bi sosulo o Gikimoi wasitotatapu idomaka, ona magena takurumi kasi. Upa he o nyawa moi asa woidoto ngohika. Duma ngohi asa ka totagi tokahika o Arab ma tonaka, dabolo de ngohi toliho kali o Damsyik ma kotaka.