Rasul 9:6 - O GIKIMOI AWI JAJI ma BUKU

⁶ Duma o orasi manena nomomi la notagi nowosa o kotaka, de kagena asa nisingangasu o kia bilasu ngona naaka.”

Rasul 9:6 Iomraidhean Croise

Matius 19:30

Igogou, done o nyawa yadala o orasi manena idodoma gena done asa ka itotuuru, so o orasi manena o nyawa yadala ibitototuuru gena done asa idodoma kali.”

Lukas 3:10

So yadadala iwisano unaka, “Nako komagena, de o kia bilasu miaaka.”

Rasul 10:22

De ona yasango itemo, “Ma kapita o Kornelius womisulo ngomi so miahino miniaso. Una magena o nyawa awi sininga itotiai moi de o Gikimoika wodupa wisusuba, de lo una o Yahudika ma nyawa yangodu iwihoromati ifoloi. Una magena dabolo o Gikimoi Awi malaikat moi iwisulo la wogolo ngona nahinosi awi tahuno, ma ngale wosigise o kia ngona notetemo unaka.”

Rasul 10:32

So o orasi manena o nyawa nasulo o Yopeka itagi la wiaso o nyawa moi awi ronga o Simon wisiaso lo o Simon Petrus. Una womasidodogu o nyawa moi o haiwani ma kahi woiija awi tahu o teo ma dateka, awi ronga lo ka o Simon.’

Rasul 10:6

Una womasidodogu o nyawa moi o haiwani ma kahi woiija awi tahu o teo ma dateka, awi ronga lo ka o Simon.”

Rasul 2:37

Ma orasi o nyawa ona magena yoise o demo magegena, ona manga sininga yaruwaheka. So ona imasano o Petruska de o bi rasul ma somoaka itemo, “O gianongoru, so ngomi manena bilasu o kia miaaka ma ngale mia manara datotorou magena.”

Rasul 22:10

So kagena de ngohi tosano kali totemo, ‘Ya, Jou, o kia bilasu ngohi taaka.’ De o Jou Yesus wosango ngohika wotemo, ‘Nomomi! De notagi o Damsyik ma kotaka nowosa. Kagena asa isingangasu o moi-moi dangodu o Gikimoi wositatapuka bilasu ngona naaka.’

Rasul 26:16

Ngaroko o Gikimoika ani manara komagena, duma nomomi, sababu Ngohi todupa tomasimane ngonaka ma ngale tonisitatapu ngona asa Ai manara naaka de lo asa nosihabari o nyawa yangoduka, maro o kia ngohi tomasimane ngonaka o orasi manena de lo maro o kia o orasi ma simaka Ngohi asa tonisingangasu ngonaka.

Rasul 9:5

De o Saulus wosanoli, “Ya, Jou! So Ngona naguuna.” So kagena de o ili magena itemo, “Ngohi manena o Yesus, kiaka ngona noisasangisara gena.

Roma 10:20

De lo idomaka ma nabi Yesaya wobarani walelefo ma Gikimoi Awi demo gena itemo, “O Yahudika yasowo ngaroko idupawa Ngohi isininga, duma Ngohi aku idehe daloha. De ngaroko idupawa Ngohi isigolo, duma tomasimane onaka.”

Roma 10:3

O ngeko idodooha o Gikimoi aku wotemo manga sininga itiai Unaka gena ona ka yaholu de ka manga ngeko masirete gena ona yamote, so ma ngale manga sininga idadi itiai o Gikimoika gena ka cawali Awi bobita gena yaaka.

Roma 5:20

Komagena so o bobita o Gikimoino gena ma ngale o nyawa manga dorou ma lamo asa aku yanako. De ngaroko o nyawa foloisi o dorou yaaka, duma o Gikimoi Awi laha ka ifoloisi wahike.

Roma 7:9

Idoma gena o bobita o Gikimoino tanako waasi, so ngohi masirete ai oho ma rabaka imatero maro ai dorou ihiwa. Ngaroko komagena, duma ma orasi ngohi asa o bobita gena tanako, de ai dupa datotorou aku isikelelo sidago ai sininga ma rabaka itemo, “Ce! Ngohi gena o Gikimoi Awi simaka igogou kanaga de ai dorouka bai! So igogou Una ngohi woihike woholu o oho ka sidutu ikakali.”

Filipi 2:12

So, ai dodiao tinisiboboso, maro o Jou Yesus gena Awi Babaka wisigise komagena lo ngini. So imatero ngini lo o orasi isigeto-geto niwisigise Unaka, so komagena bilasu ngini ifoloisi nikaeli. Maro o Gikimoi o dorouno winisalamatika, so tanu ngini masirete lo nia horomati ilamo Unaka so o bi moi-moi itotiai gena dangodu niaakaka, so upa sidago o dorouku nitura kali. Gena upa ka cawali ma orasi ngohi kagena dede nginisi, duma o orasi manena naga ngaroko ngohi ihiwa bilasu ngini foloisi nikaeli.

Yakobus 4:6

De lo Una Awi laha asa ifoloisi ilamo ngoneka la wonariwo, so upa sidago ngone Una powidongosa, maro o Gikimoi Awi Jaji ma Buku ma rabaka isilefo itemo, “O Gikimoi asa o nyawa imacacaralamo ona magena walawangi, duma ona manga sininga damomuudu, ona magenaka asa wodupa Awi laha wosidumu de wariwo.”