Rasul 9:4 - O GIKIMOI AWI JAJI ma BUKU

⁴ De una awi jaraka de wotura o tonaku de o ili moi woise itemo unaka, “Saulus, Saulus! Dadoohaso Ngohi noisangisara.”

Rasul 9:4 Iomraidhean Croise

Dodadi 16:8

de wotemo, “He, Hagar! Ngona igogou ongo Sarai ami gilalo noleleleani moi. Hika noidedemo Ngohika ngona kiano nokahino de kiaka notagi.” De muna motemo, “Ngohi toloda ai nyonya ongo Sarai ami tahu ma rabano.”

Dodadi 22:11

Duma o Jou Awi malaikat o dipaku imatoore de iwiaso, “Abraham! Abraham!” De ma baba Abraham gena wotemo, “Iya, Jou! Ngohi kanena naga.”

Dodadi 3:9

Duma o Jou Gikimoi woaso o nyawa una magenaka, “Ngona kiaka nahika.”

Matius 25:40

De ma kolano Ngohi gena asa tasango onaka, ‘Ngini tinisingangasu igogou, o kia bato niaaaka to Ngohi Ai dodiao imomote ona manenaka, ngaroko ona yacecekeka, duma de magena ma ngale lo ngini niaaka Ngohika bai!’

Lukas 10:41

O Jou Yesus wotemo, “We, Marta! Ngona gena ma ngale o moi-moi idala nosihawateri de ani sininga iruwahe.

Yohanes 18:6

Wotemo komagena, de ona magena asa yatodoka de yomadosu o tonaku imarubaka.

Yohanes 20:16

Kagena de Una wotemoli, “Maria!” Ato momabulutu so momaginano Unaka, de momatoore de motemo, “We! Rabuni!” (Magena o Ibrani manga demo ma ngale gena o Guru.)

Yohanes 21:15

So ona yaodo daboloka, de o Yesus wotemo o Simon Petruska, “Simon, o Yohanes ma ngopa, idodooha nakoso ngona ani sininga de ona manena ma binukali manga sininga gena, ngona ifoloi noidodara Ngohika.” De o Petrus wotemo, “Iya, Jou, komagena. Ngona masirete ka noinako igogou ngohi manena tonidodara de tonisininga Ngonaka.” So wotemo, “Nako komagena, de ngona bilasu najaga de nasiputuru daloha o nyawa Ngohi imomote, imatero maro to Ngohi Ai duba-duba manga gogoho o sowohi moi wojaga de watuda.”

Rasul 5:10

O orasi magena dabolo muna masoneka, de o Petrus awi dohuku moduruba. So ma orasi o bi gohiduuru magena iwosa, ona imikelelo muna mosoneka, so ami rohe magena yaaho la itagi yapoosu de ma roka yasikadateku.

Rasul 9:5

De o Saulus wosanoli, “Ya, Jou! So Ngona naguuna.” So kagena de o ili magena itemo, “Ngohi manena o Yesus, kiaka ngona noisasangisara gena.

Roma 11:22

Komagena so hika niakelelo o Gikimoi Awi manara gena kanaga daloloha de kanaga lo datotorou. Ena gena, Una kanaga wasangisara datubuso o Yahudika ma nyawa Una wihoholuka, duma kanaga Awi manara daloloha ngaroko ngini o Yahudika ma nyawa nisowo, hitilahi Awi laha nginika gena niacoho daputuru. Duma nakoso Una niwipiricayawa, de ngini lo asa ka winiholu, maro o gota ma uma wabitogu.

1 Korintus 12:12

De ngaroko o bi cocatu ngone moi-moi pamamake gena imaketerowa, duma ngone ma Kristus powipiricaya so inangodu gena he pomarimoika. Sababu ngone gena aku inasitero maro o rohe moi de ma bobolo ka idala.

1 Korintus 4:7

Igogou! Idadiwa ngini nimasihie ifoloi de o nyawa ma somoa. De nakoso igogou idadi ngini inisihieka gena, cawali maro o kia naga moi o Gikimoi masirete winihikeka, sababu to ngini nia moi-moi dangodu gena cawali o kia naga Una winihihike. So nakoso o kia naga moi magena igogou to ngini nia manara dasowo, duma winihikeka, de ngini gena upa he nimasihie.

Efesus 5:30

sababu ngone gena maro to Una Awi rohe masirete.