Rasul 9:13 - O GIKIMOI AWI JAJI ma BUKU

¹³ De o Ananias wosango wotemo, “Ya Jou, duma o nyawa yadala yosingangasu ngohika ma ngale o nyawa una manena, gena idalaka to Ngona Ani nyawa ipipiricaya o Yerusalemka wasisangisara.

Rasul 9:13 Iomraidhean Croise

Matius 10:16

“Nimasidodiahi, sababu Ngohi tinisulo nginika la nitagi niakahika o bi nyawa ma dorou manga sidongirabaka. Ngini nimatero maro de o bi duba so kanaga o bi kaso labara ma dongirabaka. Mutuwade ngini gena bilasu nicawaro maro o ngihia, de lo nia sininga damuudu de nia edekati ma dorou ihiwa maro o namo dara.

Rasul 22:4

Idomaka ngohi lo o bi nyawa yopipiricaya o Yesus Awi dodotoka, bai yanau de lo o ngopedeka, ngohi tapiliku de tarate de o buika tasingosaka, so ona magena ngohi tasangisara datubuso sidago lo yamuruo naga ngohi tatooma.

Rasul 8:3

Duma o Saulus una magena awi edekati waaka ma ngale o gogobu wasisa, so wotagi o tahu wageto, o nyawa ipipiricaya yanau eko lo o ngopedeka walilia la o bui ma tahuka wasingosa.

Rasul 9:1

Ma dongoho magena o Saulus una awi edekati ka waakasi la o bi nyawa o Jou Yesus wipipiricayaka gena watooma. Kagena de una wotagi ma Imam Wilalamoka,

Rasul 9:21

O nyawa yangodu iiise ona yohairani icarawa, de itemo, “Una magena dabolo o Yerusalemka de o bi nyawa o Yesus wipipiricaya wasisangisara bai! Igogou, kanena wahino awi edekati ona magena watago de wangaho o imam ma bi saheka la wakalaki.”

Rasul 9:32

Ma wange moiku o Petrus wotagi o bi doku wakiloli de wahika wotulu o Gikimoi Awi nyawa o Lida ma dokuka.

Rasul 9:41

Gila-gila o Petrus awi gia watoa la womiriwo momaoko. Dabolo de o Petrus waaso o nyawa ipipiricaya kagenadahu, komagena lo o ngopedeka ibabalo, la wasikelelo onaka muna mooho kali.

Roma 1:7

Manena nginika o surati moi ngohi tolefo. Igogou, ngini gena o Gikimoi winidododaraka de lo winihihirika ma ngale nidadi to Una Awi nyawa masirete. Ngohi togolo o Gikimoi nanga Baba de nanga Jou Yesus Kristus tanu inidogo nginika o laha ifoloi, la nia sininga yaaka so foloisi isanangi.

Roma 15:31

la tanu o roriwo o pipi taaho gena o Gikimoi Awi nyawa ngo kagena o Yerusalemka asa yadehe daloha. De lo nigolo o Yahudika ma nyawa ipipiricaya waasi o Yudea ma daeraka tanu asa ngohi woisirese to ona manga gia ma sohano.

Roma 16:15

Ai salam tosidingo o Filologuska de lo ongo Yulia, komagena lo o Nereuska de awi bira, de lo o Olimpaska de ona o Gikimoi Awi nyawa yangodu gena dede ona imakokangaho yangoduka.

Roma 16:2

Ngohi togolo nginika tanu muna magena ngini nimidehe foloi daloha, sababu maro ngini komagena lo muna o nyawa o Jou mowipipiricaya moi. De lo muna gena ami kurangi tanu ngini sutu nimiriwo, sababu o nyawa he yadalaka de lo ngohika muna masirete lo moriwo daboloka.

1 Korintus 14:33

Sababu o Gikimoi Awi dupa gena ngone poruwahewa de nanga manara ma rabaka gena ka cawali o rimoi de o sohi. Maro o kia naga yaaaka o Gikimoi Awi gogobu manga dolomu ma somoa ma rabaka,

1 Korintus 16:1

So, ai dodiao nipipiricaya, nako o pipi la nimatolomu ma ngale nanga dodiao o Gikimoi Awi nyawa isususa o Yerusalemka gena, ngini bilasu niaaka imatero maro o kia naga ngohi tasulo o bi gogobu o Galatia ona magenaka.

1 Korintus 6:5

To ngohi ai demo ma ngale ngini gena tinisimade. So, igogou, bilasu kanaga nginika o nyawa wococawaro moi, la sidago waaku to ngini nipipiricaya nia sidongirabaka nia galaki gena wahiri.

Efesus 1:1

Ngini o Gikimoi Awi nyawa kagena o Efesus ma kotaka gena, ningodu nia piricaya daputuru Unaka de ngini lo dede ma Kristus nimarimoika. Ngohi, Paulus, nanga Gikimoi Awi dupa so wositatapu ngohi maro o Yesus Kristus Awi sosulo moi la tosihabari o nyawaka, ngohi o surati manena tinisidingo nginika.

Filipi 1:1

Ngini ningodu o Gikimoi niwipipiricaya so nimarimoika de o Yesus Kristus kagena o Filipi ma kotaka, de ngini o gogobu ma bobareta, de lo ma leleani. Ngomi misinoto, ena gena o Paulus de o Timotius, o Yesus Kristus womisitatapuka midadi to Una Awi sosulo.

Filipi 4:22

De lo to ngohi ai dodiao ipipiricaya kanena ma binukasi lo manga salam yosidingo tanu asa nimakamake kali de ngini, ma boboloi ona kanaga ma Kaisar awi kadatoka yomomanara.

Ibrani 13:24

Mia salam misidingo ngini nia bobareta idodoto ona yangoduka de lo kagena o bi nyawa ipipiricaya ona yangoduka. De o bi nyawa ipipiricaya o Italia ma daerano, ona magena kanaga isidingo o salam nginika tanu asa pomakamake.

Yudas 1:3

Ai dodiao tinidododara, ngohi manena ai edekati idomaka gena, tokaeli tinisingangasu nginika ma ngale o loha kiaka ngone inangodu pamake pomakangaho sababu o Gikimoi wonasisalamatika. Duma o orasi manena naga de ngohi tamalo kanaga ai sininga ma rabaka isigaro, bilasu ai ngale magena tatagali. Sababu kanaga o nyawa asa imapongo-pongo de iwosaka to ngini nia dolomu ma dongirabaka de o dodoto ikokulai gena yaaho la yodoto. Komagena so bilasu ngohi totemo de ai surati manena, la ngini nia sininga tosiputuru de ma ngale ngini lo aku o dodoto ikokulai yaaaho, ona magena niasiholu daputuru. Upa sidago o dodoto itotiai gena ona yatagali, o dodoto magegena kiaka o Gikimoi wonahihike ngone inangodu Awi nyawa masireteka de ngone lo popiricayaka. O nyawa o dodoto ikokulai yaaaho ona magena yowosa to ngone nanga dolomu ma dongirabaka, de itemo ona gena to ngone nanga dodiao ipipiricaya. Ngaroko komagena, ona magegena yodupa yaaka o bi moi-moi o Gikimoi wodudupawa, de itemo ma ngale Una wonadodaraka so ngone o bi nyafusu ma dorou gena aku paaka. To ona manga dodoto magegena foloi datotorou, sababu o dodoto ma ngale o Gikimoi Awi laha gena ona yabulutu de lo imanosu o Yesus Kristuska, Una womatengo nanga Jou Wokokuasa. So ma ngale ona magegena idomaka o Gikimoi wositatapu lo daboloka done to ona manga dorou bilasu wafanggali bai!