Rasul 9:10 - O GIKIMOI AWI JAJI ma BUKU

¹⁰ Kanaga o Damsyikka o nyawa moi o Yesus wipipiricayaka awi ronga o Ananias. De o Ananias awi gogelelo moi o Gikimoino wakelelo gena o Jou Yesus wotemo unaka, “Ananias!” De o Ananias wopalu, “Ya Jou, ngohi kanena de Ani bicara o kia ngohi toise.”

Rasul 9:10 Iomraidhean Croise

Dodadi 14:15

Kagena de asa o Abram waregu awi nyawa magena idadi o bolu muruo nagaka, so asa ona yalawangi de yakudoti o putu itotongirabaka, sidago lo yautungu de asa yaginihi ona magena sidago yahika o Hoba ma dokuka, ena gena kudahu o Damsyik ma doku o koremiaku.

Dodadi 22:1

Kanaga o bi moi-moi magena idadadi gena asa ka daboloku so o orasi muruo naga he ipasaka, de o Gikimoi wodupa o Abraham awi piricaya itotiai gena watailako igogou eko ihiwa. So o Gikimoi iwiaso wotemo, “He, Abraham!” De o Abraham wopalu wotemo, “Iya, Jou.”

Dodadi 31:11

De o Gikimoi Awi malaikat ai doguruga ma rabaka itemo ngohika, ‘Yakub!’ De tosango totemo, ‘Iya, Jou!’

Rasul 10:3

So kagena de o wange ma moiku, nagala o cako saange, awi gogelelo moi o Gikimoino gena, igogou una wakelelo o Gikimoi Awi malaikat moi yahino de una wiaso, “Kornelius!”

Rasul 11:5

“Ma orasi ngohi tosumbayang o Yope ma dokuka, de o gogelelo moi o Gikimoino tamake. Ena gena, ngohi takelelo o dipa ipelenga de o kia naga moi koloko o baro ingongoha de ma pupuku ihaka o duniaku yasiha, dabolo de imatogu ai simaka.

Rasul 12:9

So kagena de o Petrus o malaikat magena wamote so isupuka o bui ma tahuno. Duma una womanakowa o kia o malaikat yaaaka gena igogou dangodu idadika, de wotemo awi sininga ma rabaka, “Nagala manena ka o gogelelo o Gikimoino takelelo.”

Rasul 16:10

So o Paulus o gogelelo magena wamakeka, de gila-gila ngomi mimasidailako la mitagi o Makedoniaka. Sababu miamalo igogou o Gikimoi womisulo so bilasu mitagi o habari daloloha misihabari o bi nyawa o daera magegenaka.

Rasul 16:9

De kagena so daputuku de o Paulus o gogelelo moi o Gikimoino wamake. O Makedonia ma nyawa moi asa womaokoye awi simaka, de wogolo wagegego de wotemo, “Hino la niatola o teo ma sonongaka, de ngomi o Makedoniaka nimiriwo kasi!”

Rasul 18:9

O putu ma moiku o Paulus o gogelelo moili o Gikimoino wakelelo de o Jou Yesus wotemo unaka, “Paulus! Ngohi kanaga dede ngona, de kanaga o nyawa yadala o kota manena ma rabaka asa ipiricaya Ngohika, so o nyawa moi lo waakuwa woniaka datorou ngonaka. So upa nimodo de upa lo nomatogu nosihabari o bi nyawaka ma ngale Ngohi.”

Rasul 2:17

O Gikimoi wotemo, ‘O dunia ma dodogu ma orasi he yaadoka, de Ngohi asa o bi nyawa yangoduku Ai Gurumi tahike la wowosa de wopareta. Mutuwade to ngini nia ngopa-ngopa yanau de o ngopedeka asa to Ngohi Ai demo yoise de isingangasu, de nia gohiduuru asa yakelelo o gogelelo Ngohino, de nia dodihimo asa yamake o doguruga Ngohino.

Rasul 22:12

De ngo kagena o nyawa moi awi ronga o Ananias. Una awi sigogise daloha o bobita moi-moi o Musa wosilelefoka, so o Yahudika ma nyawa yangodu o Damsyikka foloi iwihoromati una.

Rasul 9:12

de awi gogelelo o Gikimoino o nyawa moi awi ronga o Ananias wahino wowosa de awi gia wahado unaku, la una magena asa womasigelelo kali.”

Rasul 9:9

De kagena o wange saange ma raba una womasigelelowa, de lo woodowa de woudowa.

2 Korintus 11:32

Ma orasi ngohi kagena o Damsyik ma kotaka, de ma gubernur kiaka o Kolano Aretas wisitatapu la una wokokuasa, una magena wodupa ngohi itooma. So una awi prajurit wasulo la o kota ma bi ngoraka yojaga la ngohi itago.

Galatia 1:17

De komagena lo ngohi asa totagiwa o Yerusalemka ma ngale o bi sosulo o Gikimoi wasitotatapu idomaka, ona magena takurumi kasi. Upa he o nyawa moi asa woidoto ngohika. Duma ngohi asa ka totagi tokahika o Arab ma tonaka, dabolo de ngohi toliho kali o Damsyik ma kotaka.