Rasul 8:2 - O GIKIMOI AWI JAJI ma BUKU

² O bi nyawa manga sigogise daloha o Gikimoika yamuruo naga itagi so o Stefanus wipoosu de idodora yaili-ilika.

Rasul 8:2 Iomraidhean Croise

Dodadi 23:2

So kagena o Kiryat-Arba (eko o Hebron) o doku moi o Kanaan ma tona ma rabaka, de muna mosoneka. Komagena so ma ngale o Abraham ma pedeka ami sone magegena so wododora.

Markus 6:29

O hali magena o Yohanes Wooosi Awi muri-muri yogiise de yanako, gila-gila ona itagi o Yohanes Wooosi awi sone ma bake yadehe so yapoosuka.

Lukas 2:25

O orasi magena o Yerusalemka, kanaga o nyawa moi awi ronga o Simeon, una magena awi sininga itiai de awi sigogise daloha o Gikimoika. O Gurumi Datetebi kanaga unaka, de lo una wongongano ma orasi he idumuka o Gikimoi asa o Israel awi ngopa de awi danoku magena wariwo.

Rasul 10:2

Una magena de to una awi tahu ma raba moi manga sigogise daloha o Gikimoika de Unaka wodupa wisusuba. Una awi roriwo idala wahike o Yahudi ma nyawa isususaka de lo wodupa wosumbayang o Gikimoika.

Rasul 2:5

Ma dongoho magena o Yahudika ma nyawa o Gikimoika wisusuba, ona magena o bi doku o dunia ma ngoguno kagena o Yerusalemka imasidodogu.

Rasul 8:1

De o Saulus lo awi sininga yadahe ma ngale o dooma ma manara magena. So o wange magena o Stefanus witoomaka, de isolano o Yerusalem ma gogobu yasangisara datubuso, sidago ona ipipiricaya magena he yangodu itagi yodobiau o Yudea ma daeraka de o Samaria ma daeraka, de o Yerusalemka yomatolomu kawa, ka cawali o bi rasul ona ka igogogesi.

Rasul 8:3

Duma o Saulus una magena awi edekati waaka ma ngale o gogobu wasisa, so wotagi o tahu wageto, o nyawa ipipiricaya yanau eko lo o ngopedeka walilia la o bui ma tahuka wasingosa.