Rasul 7:16 - O GIKIMOI AWI JAJI ma BUKU

¹⁶ Duma manga rohe asa yaaho so isigiliho o doku Sikhem o Kanaan ma tonaka, la yapoosu o boosu moi o Abraham wafanguka de o pipi o Hemor awi ngopa-ngopaka o Sikhem ma dokuka.

Rasul 7:16 Iomraidhean Croise

Dodadi 23:16

So o Efron awi demo gena una o Abraham wodupa wosimote so gila-gila una awi pipi waeto ma dala maro kiaka o Efron wapepetoka. Ena gena, o pipi salaka o ratu iha imamote de o nyawa imasiiija manga dudugaka isituga. So o orasi magena dabolo una gena o Het ma nyawa yadadala manga simaka de o pipi ilamo magena wahike o Efronka, ma ngale ona lo aku yakelelo de yanako igogou o tona magena idadi to una awi tona dabolo. Komagena o Efron awi tona o riho moi o Makhpela o Mamre (eko lo o Hebron) ma dateka, o wange ma nyonyieka o Kanaan ma tonaka gena, idadi to Abraham awi tona masireteka, o tona magena dangodu de ma rabaka, kagena de ma aru komagena lo o doro, de ma joro-joro, de lo o bi gota dangodu.

Dodadi 23:4

“Baba-baba, ngohi manena o nyawa moi totatagino de ngini nia sidongirabaka togoge. Kodo! Nako daloha de nia tona sutu nihike la ngohi taija ma ngale ai pedeka aku tomipoosu o tona magenaku.”

Dodadi 35:19

Komagena imaaka ongo Rahel ami sone. So muna asa mipoosu o ngeko ma dalateka, kiaka o ngeko magena o Efrataka ikokahika de o orasi manena naga gena isironga o Betlehem.

Dodadi 47:30

duma togolo ai sone ma bake natota kadoka ai baba de ai ete manga boosu ma dateka, la kagena ngohi noipoosu.” De una wotemo, “Ya baba, maro o kia notemoka, done taaka komagena.”

Dodadi 50:12

Bolo, o Yakub awi ngopa yanau yaaka maro o kia una wasulo onaka.

Dodadi 50:13

So awi sone ma bake gena o Kanaan ma tonaka yaahoka. Yaaho ma ngale yapoosu kadoka o Mamre ma doku ma dateka, kanaga o Makhpela ma tonaka kiaka o boosu magena yaaaka o teto ma aru ma rabaka. O tona magena o Abraham wamake ma orasi o Efron o Het ma nyawa moi to una awi doro gena waija la ma ngale o tona magenaku una womapoosu.