Rasul 7:11 - O GIKIMOI AWI JAJI ma BUKU

¹¹ Dabolo de o Mesir ma dokuka o bare imasidiado, so o nyawa manga sangisara datubuso, sidago nanga ete de nanga topora o Kanaanka lo manga ino ihiwa.

Rasul 7:11 Iomraidhean Croise

Dodadi 42:5

So o Yakub una awi ngopa yamogiowo gena, ona magena itagi sidago o Mesir ma dokuka yaado. Imasidiado imakangaho de o bi doku ma somoano lo yahihino, gena manga ngale o ino imaija, sababu maro o bi doku dangodu komagena lo o Kanaan ma dokuka manga ino he damata.

Dodadi 43:1

Bolo, de kagena o Kanaan ma bi nyawa yangodu ona manga ino damata de o bare ilalamo gena imatoguwa.

Dodadi 45:11

De ai dateka kanena o Gosyen ma pidoka ngohi asa ngona tonipalihara. Sababu o taungu motoha ma simaka done asa o ino gena ihiwa. De upa sidago ngona de ani tahu moi ma raba gena niasusa ilamo. De ma ngeko komagena la to ngini nia kia naga moi lo upa ikurangi. Sidago kagena.’

Dodadi 47:4

So, baba, ngomi nonena gena o Mesirno mikahino la kanena migoge, sababu kadoka o Kanaan ma dokuka mia ino damataka, sidago lo o dumule dangodu isoneka de ihiwaka. So mia duba de mia kabi gena he iodo kawa. So nako yaaku, tanu ngona nomisayangi de ani sininga ma loha la aku nomisimaha ngomi kagena o Gosyen ma pidoka migoge.”