Rasul 5:4 - O GIKIMOI AWI JAJI ma BUKU

⁴ Igogou, ani tona magena nosiija waasi gena to ngona, so nako nodupawa, upa he nosiija. De igogou ani tona magena lo nosiijaka ma pipi lo to ngona, so nako nodupa ka ma sononga nahike, upa he nokulai de notemo ma ija ma lamo cawali kamagena. De imaaka idodooha so ani sininga ma rabano nosimaha o dorou ibao sidago naaka maro komanena. So, igogou, ngona o nyawa nakulaiwa, duma o Gikimoi nowikulaika bai!”

Rasul 5:4 Iomraidhean Croise

Lukas 10:16

Dabolo de o Yesus wotemoli wimomote ona magenaka, “O nyawa nagoona ngini nia demo yadehe daloha, magena imatero de ona lo Ngohi Ai demo yadehe daloha. O nyawa nagoona ngini iniholu, magena imatero de ona lo Ngohi iholu. So o nyawa nagoona la Ngohi iholu, ona manga holu ma manara magena lo ma meta Ai Babaka, sababu Ngohi Una woisulo so tahino.”

Rasul 5:3

Kagena de o Petrus wotemo, “Ce, Ananias! Dadoohaso nomasimaha o Iblis ani sininga yapareta la o Gurumi Datetebi nowikulai so ani tona ma ija ma pipi ma sononga nadiahika.

Rasul 5:9

So kagena de o Petrus wotemo munaka, “Dadoohaso ngona de ani roka nimafakati so o Jou Awi Gurumi niwidahake niwikulai, la upa o fanggali niamake. Hika ani ngau naleo de noisesi! O bi nyawa ani roka wipopoosu gena he ilihoka, so ngona lo done nimoku de nisisupu.”

1 Korintus 8:8

Igogou, o ino o kia bato la nako poodo gena, idadiwa yaaka ngone dede o Gikimoi pomakadame eko pomakitinga. Nakoso o ino la kanaga poodo eko paholu, magena o Gikimoi wanano maro ma faida ingaliwa so ka imaketero.

1 Tesalonika 4:8

So nakoso nginika de kanaga o nyawa nagoona la o dodoto moi-moi manena yaholu gena, upa nitemo ona ka o nyawa yaholu, duma o Gikimoi, Awi Gurumi Datetebi wahihikeka lo, Una magena wiholu.

Filemon 1:14

Duma ngona tonigolowa de noisimaha waasi, so ngohi tositatapuka upa lo towisulo sidago una aku wogoge dede ngohili. Upa sidago lo una wogoge de woiriwo ngohi duma ngona asa nosimaha waasi. Lebelaha kanaga de ani dupaka la aku ngona asa ngohi noiriwo kali.

Yakobus 1:15

So ma nonomaka o nyafusu ma dorou manga siningaka ibao, dabolo de yacoho komagena so ona asa o dorou yaaka. Komagena so nako ona la yodupa o dorou yamotesi, done ma dodoguka ona asa isone de o narakaku yaumo. Gena maro o ngopa moi awi oho ma sihino gena, kanaga ma awa ami poko ma raba kasi bolo de asa wisibuo, de o ngopa magena done asa wilamo de lo ma dodoguka done asa una wosone.