Rasul 4:13 - O GIKIMOI AWI JAJI ma BUKU

¹³ O Mahkamah Agama yohairani icarawa sababu ona yakelelo o Petrus de o Yohanes manga modo lo ihiwa, de kiali ona yanako igogou ona yasinoto magena o nyawa yauudu de manga sakola ihiwa. So kagena de asa ona yanako ona yasinoto magena idomaka o Yesus Awi dodiao.

Rasul 4:13 Iomraidhean Croise

Matius 11:25

O orasi magena de o Yesus wosumbayang wotemo, “Baba, o Jou o dipa de lo o dunia nakokuasa! Ngohi Ai sukuru tatide Ngonaka, sababu o bi moi-moi magena o bi nyawa icocawaro lo kanaga itemo yanakoka, ona magena Ngona nagiihu. Duma o bi moi-moi magena o bi nyawa kiaka yananakowa Ngona gena nasikelelo.

Matius 26:71

Gila-gila una wotagi o loloha ma ngora ma dateka. Kagena de o ngopedeka moili una mowikelelo de masingangasu o bi nyawa kagenadahu motemo, “Cedeke! O nyawa una magena lo o Yesus, o Galilea ma nyawa gena, wimomote.”

Matius 26:73

Itekawa, de o orasi magena o bi nyawa kagena itemo kali unaka, “We! Ngona upa nomanosu! Igogou, ngona manena to ona manga dodiao moi, sababu ngona ani lugono so panako itiai ngona o Galilea ma nyawa.”

Lukas 22:8

O Yesus waaso o Petrus de o Yohanes, de wasulo onaka, “Nitagi la to ngone nanga Paskah ma ino nisidailako.”

Yohanes 19:26

So o Yesus o sangahadika de wakelelo ma awa de ami dateka o muri moi foloi wisiboboso, de ma awaka Una wotemo, “Ai awa, kanena naga nowinano maro to ngona ani ngopa yanau moili.”

Yohanes 7:15

De ma ngale Awi dodoto gena o Yahudika manga roriri magena foloisi yohairani sidago lo imatekekasano moi de moika itemo, “Wewe! Nagoona iwidoto Unaka sidago lo Awi cawaro komagena. Sababu Una ma moi lo waasi kanena womadoto de to ngone nanga guru agamaka.”

Yohanes 7:49

Ce! O nyawa yadadala kanaga Una iwipiricaya, duma o kia naga moi lo yanakowa. De ona magena o nyawa biasa bato de imadotowa nanga bobita o Gikimoino kanaga o Musa walelefoka. So ona magena o Gikimoi asa wakutuku.”

Rasul 4:14

Duma ona magena yasango yaakuwa, sababu yakelelo o nyawa wisilolohaka una womaokoye kagena o Petrus de o Yohanes manga dateka.

Rasul 4:19

Duma o Petrus de o Yohanes isango itemo, “Ngini masirete niahiri kasi o kia itero o Gikimoi Awi simaka: Pinisigise nginika eko bilasu powisigise o Gikimoika.

Rasul 4:29

Ya, Jou! O orasi manena Ngona masirete nakelelo ona imisimahawa ngomi mitagi misihabarili, so tanu ngomi, to Ngona Ani leleani manena, nomiriwo la mitagi misihabari Ani habari daloloha, de upa lo mimodo.

Rasul 4:31

Ma orasi isumbayang dabolo o riho imatotolomuka magena ihiti. De o Gurumi Datetebi Awi kuasa daasu-asu iwosa ona yangoduku, so wopareta sidago o habari daloloha o Gikimoino isihabari de manga modo lo ihiwa.

Rasul 9:27

So kagena de o Barnabas wiriwo de wingaho o bi rasulka. La una wosingangasu onaka idodooha o ngeko ma soaka o Saulus o Jou wikelelo de o Jou wibicara unaka. De una wosingangasuli idodooha o Damsyikka wobarani wadoto de o Yesus Awi kuasa.

Rasul 9:28

Mutuwade o Saulus imatekerimoi de ona ipipiricaya yangodu o Yerusalem ma sigilolino, de una wobanari wadoto ma ngale o Jou.

1 Korintus 1:27

Ngaroko komagena, duma o nyawa nagoona la kanaga o dunia ma bi nyawa itemo ona ifufuma, ona magena o Gikimoi asa wahirika la ma ngale o nyawa icocawaro gena aku wasimade. Komagena lo asa wahiri o nyawa la kanaga manga kuasa ihiwa, ma ngale o nyawa ikokuasa gena aku wasimade kali.

1 Korintus 14:25

So o bi moi-moi manga siningaka imamingihu gena asa isikelelo, sidago ona imabukuku o Gikimoi Awi simaka itemo, “Igogou! O Gikimoi kanaga nia sidongirabaka.”

2 Korintus 3:12

So ma ngale ngomi foloisi miongongano o Gikimoi Awi jaji damomuane, so ngomi lo kanaga mibarani o habari daloloha misihabari.