Rasul 3:8 - O GIKIMOI AWI JAJI ma BUKU

⁸ so womasitudu womaoko de wosolano wositagika. Komagena dabolo una wowosa dede ona o Gikimoi Awi Tahuka, so wotagi womasitutudu de awi nali de awi more o Gikimoi iwigiliri.

Rasul 3:8 Iomraidhean Croise

Lukas 18:43

De o orasi magena dabolo wopipilo asa womasigeleloka. Kagena de wotagi o Yesus iwimote-mote, de lo o Gikimoi wisigiliri de wihoromati. De ma orasi o kia naga idadadi magena o nyawa yakelelo, de ona yangodu lo iwisigiliri o Gikimoika.

Lukas 6:23

Komagena lo idomaka to ona manga ete de manga topora o bi nabi yasangisaraka. So hika ninali de nia more ilamo. Sababu nia fanggali daloha icarawa gena o Gikimoi wosidailako dabolo kadaku o sorogaka.

Yohanes 5:14

Daboloka, de ona asa imakamake kali o Gikimoi Awi Tahuka, so o Yesus wisingangasu una wisilolohaka magena de wotemo, “Igogou, ani buturu iliho kali. So ngona gena nosanangika. So tanu Ai beseso manena nosigise la ngona gena upa o dorou naaka kali. Ngaroko ani sangisara idodomaka gena ilamo, duma o dorou ma sopo gena ma fanggali lo asa o sangisara foloisi ilamo.”

Rasul 14:10

so wiaso womaili-ili wotemo, “Nomaoko nomabobolowoye!” De o nyawa una magena womasitudu de gila-gila wotagika.

Rasul 19:16

Kagena de o nyawa wikokitoka magena womasitudu onaka, de wangangapo sidago manga baju lo waraca-racaka de manga rohe lo wadabo-daboka, dabolo de ona yatumudingi ilodaka o tahu magena ma rabano.

Rasul 3:7

So kagena de o Petrus wolulugu awi gia ma girinaka wacoho de wiriwo so iwisioko. O orasi magena dabolo de awi dohu ma bobolo de awi pupuku daputuruka,