Rasul 3:17 - O GIKIMOI AWI JAJI ma BUKU

¹⁷ Ai gianongoru! Nako ngini gena, ngohi tanako itiaika to ngini nia roriri de ngini masirete nia manara datotorou o Yesuska, ma ngale gena ngini niwinakowa, ena gena Una magena o Salamati ma Kolano.

Rasul 3:17 Iomraidhean Croise

Dodadi 21:26

So ma kolano wotemo, “Ce! Ma ngale ai nyawa imomanara yaaka komagena naguuna gena ngohi tanakowa, de magena igogou o orasi kangano manena de asa ka toise.”

Dodadi 39:8

De una wotemo, “Hiwa! Ngohi ai tuan woipiricayaka, so ngohi woitide la tosiaturu awi raki de awi alamu moi-moi awi tahu ma rabaka. De una gena o moi-moi he o kia kawa woisihawateri.

Dodadi 44:15

Imabukuku de una wotemo, “Ce! Dadoohaso sidago o manara komagena niaaka. Ngohi manena, nakoso o nyawa manga sininga daloloha de datorou gena, aku ka tanako. Idodooha de igogou magena ngini nianakowa.”

Lukas 23:13

Kagena de o Pilatus watolomu o imamka ma bi sahe de o Yahudika ma roriri de lo ma kawasa,

Lukas 23:34

De Una wosumbayang wotemo, “Baba, tanu ona nasiapongu! O kia ona yaaaka gena ona yanakowa.” O bi prajurit o Yesus wisidodasangahadika, ona magena Awi baju imatekesikotoku yaaka moi-moi de manga gimina yamote o undi ma rabaka.

Yohanes 15:21

Kanaga ona yaaka komagena nginika, sababu ngini gena to Ngohi Ai nyawa de lo iwinako itiaiwa Una woisusuloka so Ngohi tahino.

Yohanes 16:3

Komagena imaaka sababu ona iminako itiai waasi, bai Ai Baba bai lo Ngohi.

Yohanes 7:52

Ona iholu so itemo, “Ilaha! So ngona gena o Galileaka ma nyawa? Ngaroko ngona masirete lo o Gikimoi Awi Jaji ma Buku natailakoka, duma ma rabaka ngona namakewa ma ngale Awi nabi gena o Galileano.” [

Rasul 13:27

O bi Yerusalemka ma nyawa de manga roriri gena yosihodawa, ngaroko o bi nabi manga buku ma demo o Sabat ma wange isigeto yabaca, so iwinakowa o Yesus Una magena o Salamati ma Kolano. Ma sababu magegena ona o Yesus asa iwitoomaka. Duma de manga manara ona iwitooma gena ona yaakaka maro o kia o nabi manga bukuka isilelefo magena asa idadika.

Rasul 22:5

Ai manara maro komagena ma Imam Wilalamo de o Mahkamah Agama ma nyawa ona yangodu lo yanako, so aku ngohi totemo gena ngohi tokulaiwa. Sababu ona masirete o surati igaka de isimeta o bi Yahudika manga roriri igogoge o Damsyik ma kotaka, gena ngohi ihike totagi, la tahika kagena ma ngale o nyawa ipipiricaya o Yesuska asa tatago, de o rate tasipilikuka ona magena tangaho o Yerusalemno ma ngale yasangisara.”

Rasul 26:9

Ngohi totemo komagena, sababu idodoma ngohi masirete lo ai edekati ma rabaka o bi nyawa la o Yesus o Nazaretno iwipipiricaya ona magena bilasu ngohi tasiholu daputuru.

Rasul 28:21

De ona isango itemo unaka, “Ma ngale ngona gena o surati moi lo isidingo waasi o Yudeano, komagena lo o bi nyawa nikokalaki o Yudea ma daeraka o nyawa moi lo yahino waasi imisingangasu ma ngale to ngona ani ronga ma dorou.

Rasul 7:40

So ona itemo ma ria o Harunka, ‘Hika ngona nomigaka ngomika o giki ma dodulada ngai muruo naga, la o giki magena aku imingaho de mia simaka idodoma, sababu ma ngale o Musa magena ngaroko womingahoka de womisisupuka o Mesir ma tonano duma, ce, miwinako kawa de miwisidooha kawa.’

Roma 11:2

Nako o Gikimoi Awi nyawa gena idodomasi de Una wahirika maro Awi nyawa masirete, ona magena lo Una waholuwa. Hika ngini nimasininga o kia naga idomaka isilelefo Una Awi Jaji ma Buku ma rabaka, idodooha ma ngale o Israelka ma nyawa gena o Elia awi galaki wosingangasu o Gikimoika,

1 Korintus 2:8

Awi ngale gena o dunia ma bobareta lo yanakowa. Nako yanako, de o Jou Una wisimuliaka gena idomaka ona magena upa he wisidasangahadika bai!

2 Korintus 3:14

De o Yahudika ma nyawa ona magena manga sininga la datogoika. Ena gena, manga sininga magena lo imatero maro de o baro isisasao so yatalakeka. Sidago o orasi manena lo nakoso o Gikimoi Awi bobita idodomaka magena ona yabaca, de o demo yababaca ma ngale gena ona isihodawa, maro o baro so manga sininga yasaoka. O nyawa la kanaga manga sininga yasasao de yatalakeka, gena yaakuwa yahoi, ka cawali nakoso ona de ma Kristus imarimoika.

Efesus 4:18

Una gena yaakuwa ona iwinako, maro o nyawa o bubutu ma rabaka de itagi. De ona yamakewa o oho o Gikimoino, sababu to ona manga sininga datogoika so o dodoto itotiai gena yanako kawa.

Filipi 1:22

Ce! Dadoohaso ngohi tahiri gena tanakowa. Nako ngohi ka toohosi gena, ma ngale ai manara daloloha asa taaka tosigila-gila, maro o gota moi so de ma sopoli.

1 Timotius 1:13

Ngaroko, idodoma ngohi manena o Jou Yesus Awi ronga ma dorou togaka, de Awi nyawa wipipiricaya tasisangisara, de Una masirete lo towisicekeka. Sababu o orasi magena ngohi towipiricaya waasi so tanakowa o kia ngohi taaaka magena o Gikimoi towilawangi, so ma Kristus ngohi woigalusiri.