Rasul 3:12 - O GIKIMOI AWI JAJI ma BUKU

¹² Ma orasi o Petrus wakelelo o bi nyawa ona magena, de una wotemo onaka, “He, ai gianongoru de ai awabira! Upa lo niohairani ma ngale o hali idadadi manena. Upa lo nimaginano ngomino. Dadoohaso ngini nia sininga ma rabaka itemo, o nyawa una magena aku wotagi sababu de to ngomi mia kuasa masirete, eko nagala de to ngomi miaaka o bi moi-moi o Gikimoi wodudupa.

Rasul 3:12 Iomraidhean Croise

Dodadi 40:8

“Kaputuka de ngomi misinoto mitoguruga, duma kanaga o nyawa moi lo yanakowa mia doguruga ma ngale so misingangasuwa ngomika.” Kagena de una wotemo, “Ma ngale dangodu gena o Gikimoi ka wanako so asa ngoneka wonasingangasu. So nako daloha ilaku, de hika nia doguruga magena nisijarita ngohika.”

Dodadi 41:16

Duma o Yusuf wotemo, “Hiwa! Ai kolano ma Firaun tonihohoromati, cawali o Gikimoi de asa o doguruga ma ngale gena wanako de Una masirete asa ani doguruga ma ngale gena wonisingangasu ngonaka.”

Yohanes 7:18

De o nyawa nakoso kanaga manga dodoto de ka to ona manga sininga ma rabano de yaaka komagena, magena ma sababu ona yodupa o giliri yasari la ona manga ronga masirete isilamo. Duma nakoso o nyawa kanaga yodupa yasari ma ngale ona yasusuloka magena manga ronga isilamo, de upa manga ronga masirete, de yasusulo ona gena manga dodoto itotiai de manga sininga ma rabaka gena o dorou moi lo ihiwa. Komagena lo Ngohi.

Rasul 13:26

Ai gianongoru de ai awabira ningodu, o Abraham awi ngopa de awi dano, de o bi gianongoru ma somoasi nidupa niwisusuba o Gikimoika, o Gikimoi Awi salamati ma habari gena inasiado ngoneka.

Rasul 2:22

O gianongoru! Tanu niise o kia ngohi totetemo magenena: O Yesus o Nazaret ma nyawa, Una o Gikimoi wisulo la wahino nginino. Magena igogou de itiai, sababu o Yesus waaka nginika o nonako ihahairani, gena winisikelelo o Gikimoi Awi kuasa to ngini nia sidongirabaka. So dangodu magena ngini masirete lo nianakoka.

Rasul 3:11

De kagena o Gikimoi Awi Tahu ma rabaka o riho moi maro o dadaru ikakakuka duma ma golingasu yagogarade de ma katu daloloha o tetono, gena isironga o Salomo awi Sorabi. Kagena o nyawa wolulugu kawa magena womasigocoho o Petrus de o Yohaneska, de o nyawa yangodu yatodoka de imagogora yadolomu onaka.

Rasul 3:13

Ngini bilasu nianako o Abraham, o Ishak, de o Yakub de to ngone nanga ete de nanga topora ma somoali ona magena manga Gikimoi wisusuba, Una manena Awi leleani o Yesus gena wisimuliaka, duma Una magena ngini niwisidoa o Pilatuska, de niwisiholu to una awi simaka, ngaroko o orasi magena o Pilatus wihirika Una iwipalako.

Roma 11:1

So nagala o nyawa kanaga itemo, “Idodooha nako o Yahudika ma nyawa gena o Gikimoi nagala waholuka.” De ngohi asa tosango, komagenawa. Sababu ngohi masirete lo nako ai sihino gena o Israelka ma nyawa moi, o Abraham awi ngopa de awi dano moi, de lo ai aheli o Benyaminno. Duma ngohi manena o Gikimoi woiholu kawa bai!

Roma 9:4

Hika ngini nimasininga o Israel awi ngopa de awi danoku, ona magegena o Gikimoi wotemo maro to Una Awi ngopa masirete, de onaka lo Awi mulia masirete wosimaneka o tona ibobeleuka. Ona de Una lo imatekekajajika, de kagena o Sinai ma Talaka de Awi bobita onaka wahikeka. De ona wadotoka ma ngeko idodooha ona wisuba Unaka, de wajaji Awi laha lo done asa wasidumu onaka.

2 Korintus 3:5

Ngomi o manara magena miaaka miaakuwa de ka mia buturu masirete bato. Duma ka o Gikimoi womatetengo kanaga womisiputuru ngomika.

Gogelelo 7:13

Kagena de o roriri moi woisano ngohika wotemo, “He! O nyawa o juba daaare imasititibaku, ona magena nanako kiano ma nyawa.”