Rasul 28:8 - O GIKIMOI AWI JAJI ma BUKU

⁸ De o orasi magena o Publius ma baba wigoga de o au wosihoho, so awi siri gena datubuso. Kagena de o Paulus wotagi iwikurumi, so wahika wosumbayang, de awi gia wahado unaku so ma baba lo iwisilohaka.

Rasul 28:8 Iomraidhean Croise

Matius 10:1

So o Yesus asa Awi muri-muri yamogiowo de sinoto waaso imatolomu Unano, de kagena de wotemo onaka, “Ngini ningoduka asa o kuasa tinihike la aku o toka niodusu, de lo o nyawa yasisiri de yopopanyake gena yangodu niasiloha.”

Matius 10:8

De lo ibipopanyake niasiloha, ibisosone niasioho kali, de yapapado niasilohali de lo yabikokitoka manga toka niodusu. De maro o bi moi-moi niamamake o Gikimoino de nia bangu lo ihiwa, komagena lo ngini bilasu niahike o nyawaka de manga bangu lo ihiwa.

Matius 12:13

De o Yesus wotemo o nyawa awi gia ma sononga isosoneka gena, “Ani gia natoano.” De una awi gia watoa, de o orasi magena dabolo awi gia gena lo dalohaka, maro awi gia ma sonongali.

Matius 9:18

O Yesus gena o Yohanes wooosi awi nyawa wimomote wabobicara de wadoto dabolo waasi, de o nyawa moi asa wahino, una magena o puji ma tahu wapopareta. So o Yesus Awi simaka wosuba wobukuku, de wotemo, “Baba, ai ngopa o ngopedeka moi asa ka mosoneku. Tanu nahino noimote la hiti nomipada, de asa mooho kali.”

Markus 16:18

de nakoso ona o ngihia yacoho eko o raci yaudo, asa ona isiboditowa, de lo nakoso to ona manga gia yasipada o nyawa yasisirika, o nyawa ona magena asa yaloha kali.”

Markus 5:23

de wogolo ifoloi Unaka, “Baba, ai ngopa o ngopedeka moi tomisiboboso ami siri datubuso poli. Tanu nahino noimote de hiti nomipada, la ami siri datotubuso magenena itogu la upa mosone.”

Markus 6:5

Komagena so o riho magenaka o nonako ihahairani idalawa waaka, so ka cawali o nyawa yamuruo naga yasisiri de ka Awi gia wasipada de yalohaka.

Markus 7:32

de o nyawa moi witotopongo de awi lade itimisi o Yesuska witota. O nyawa una magena awi dodiao moi o Yesus iwibaja la tanu wipada.

Lukas 13:13

Magena de Awi gia womisipada munaku, de o orasi magena dabolo asa muna momaoko motiaika, so o Gikimoi mowigiliri.

Lukas 4:40

O wange he itumuka, de o nyawa yadala kiaka yabisisiri de o panyake ma bio idala gena yatotota Unaka, de Awi gia wasipada ona moi-moiku de asa yalohaka.

Rasul 28:7

O riho magegena ma soa ikuru kawa de kadoke o Publius to una awi tona masireteka. O nyawa una magena womatengo o gura ma bi nyawa magenaka wodadi to ona manga sahe moi. Una womiaka daloha so kagena ma deka o wange saange ngomi mimasidodogu unaka.

Rasul 28:9

O Paulus awi manara magena yanako, so o gura ma nyawa ma binuka yasisiri yahino o Pauluska, de ona magena lo wasilohaka.

Rasul 9:40

So kagena de o Petrus wosulo o nyawa yangodu isupu kasi, de wobukuku so wosumbayang o Gikimoika. Dabolo de una womabulutu ami rohe worisima, de wotemo, “Tabita, nomomi!” Ato ami lako mapelenga o Petrus mowikelelo, de momomi so momatamiye.

1 Korintus 12:28

So maro komagena lo o Gikimoi Awi gogobu manga sidongirabaka kanaga wasitatapuka la ngone paaka o bi manara gena ma rupa idala. Ma nonomaka, kanaga o nyawa wasitatapu Awi sosulo-sosulo, ma sinotoka kanaga o nyawa wasitatapu la Awi demo yosingongangasu, ma saangeka kanaga ona wasitatapu la yododoto. Ma duuruka, kanaga lo ona de o kuasa la aku o nonako ihahairani yaaka. Kanaga lo ona de o kuasa wasicatu la aku o nyawa manga panyake isiloha, o nyawa yariwo, o nyawa yapareta de lo o bi bahasa irupa-rupa isibicara.

1 Korintus 12:9

O nyawa moi kali kanaga o Gurumi gena wasicatu o piricaya, la una eko muna magena aku o Jou Yesus wipiricaya daputuru. De o nyawa moi kali kanaga o Gurumi gena wasicatu o kuasa, la una eko muna magena aku o nyawa manga panyake yasiloha. O bi moi-moi wosicocatuka dangodu gena ma sihino Una o Gurumino.