Rasul 27:21 - O GIKIMOI AWI JAJI ma BUKU

²¹ So o wange muruo naga dabolo ngomi mia dupa miodo lo ihiwaka, kagena de o Paulus mia sidongirabano womaokoye de wotemo, “Ai baba-baba ningodu! Kapuruo nagasi ngohi tonasisitiari la upasi ngone poside o Kreta podongosa, la upa sidago ngone porugi de pobodito, duma magena niamotewa.

Rasul 27:21 Iomraidhean Croise

Dodadi 42:22

De manga ria o Ruben wotemo, “Gena! O kia totemo idomaka, ‘Upa powisone bai.’ Duma nisiholu so o kia idadi ngoneka o orasi manena to una awi sone gena bilasu ngone patagali.”

Rasul 27:12

Nakoso o alo, de o paro, de lo o rato ma orasi imasidiado, de o riho magenaka o bobane datotorou moi nakoso kagena pomatapu, so ona o deru ma nyawa he yangodu itemo nakoso yaaku, bilasu isideli la ikahika kadoka o Feniks ma bobaneka ma ngale o alo de o rato ma orasi imasidiado de kagena imatapu. O Feniks gena o jiko moi o Kreta ma guraka de yorisima kodai, bai o koremia o wange ma dumusa de lo o koresara o wange ma dumusa.

Rasul 27:13

Ma dongoho magena o paro o koresaraku iwuwu imehe-mehe, de ona itemo nagala iogoka, so manga edekati yaaka la aku isideli. So kagena de manga tapu yatide de imajobo iside yameta o Feniks, so yakahika o wange ma dumuka so ma dateno imasitepa-tepa.

Rasul 27:20

De o wange muruo naga dabolo o paro, de o rato, de lo o moku-moku mia deru isipapaka ka komagenaka, so o ngoma de o wange ma lako lo he miakelelo kawa. Ma dodoguka, mia ngongano ma ngale ngomi mia rohe aku misalamati gena ihiwaka.

Rasul 27:7

Duma ngomi miside isusa, sababu o paro mia simano so mia deru lo itagi mehe-mehe sidago ma bati o wange muruo naga de asa ngomi miuti o Knidus ma bobaneka. De kagena lo o paro mia simanoli so miaakuwa miside o wange ma dumusa, so ka miside o koresaraye so mitola mikahika o Salmone ma dotoka, ma ngale o Kreta ma guraka mimasidutulu la o paro upa midahe.