Rasul 26:32 - O GIKIMOI AWI JAJI ma BUKU

³² De ma Kolano Agripa wotemo o Festuska, “Nakoso una upa wagolo ma Kaisar Romaka asa witailako la wihakim gena, daloha ilaku una nowipalakoka.”

Rasul 26:32 Iomraidhean Croise

Rasul 24:27

Kanaga ma deka o taungu sinoto ipasaka, de ma Gubernur Feliks asa wihoi so o Perkius Festus witagali wodadi gubernur, duma o Feliks ka wodupasi o Yahudika manga roriri manga sininga wadehe la ona widupa unaka, so o Paulus gena ka widohaka o bui ma rabaka.

Rasul 25:25

Duma ngohi tamakewa una manena o dorou moi lo waaka sidago una bilasu iwitooma. Sababu una masirete wogolo ngohika la towisidingo ma Kaisar Romaka la una asa iwitailako, so komagena ngohi tositatapuka asa una wotagi.

Rasul 28:18

So kagena ngohi itailako dabolo, de ai sala moi lo yamakewa ma ngale ngohi bilasu itooma, de mote ona manga dupa asa ngohi ipalako.

Rasul 28:19

Duma o Yahudika manga roriri ona isiholu yagogou, so ngaroko ngohi ai sala moi lo ihiwa ma ngale ai gianongoru o Yahudika bilasu takalaki, duma ai mamalo ma rabaka itemo bilasu tagolo la ngohi asa itailako de ihakim kanena ma Kaisar Romaka.

Rasul 9:15

Duma o Jou Yesus wotemo unaka, “Notagi bato! Sababu Ngohi towihiri una ma ngale to Ngohi Ai manara wamoku, ena gena una wosihabari ma ngale Ngohi kiaka o Israel ma nyawaka, de o nyawa o bi bangsa ma somoaka, de lo manga kolanoka.