Rasul 26:14 - O GIKIMOI AWI JAJI ma BUKU

¹⁴ Sidago ngomi mia jaraka de mitura o tonaku, de o ili moi toise de mia bahasa Ibrani itemo ngohika, ‘Saulus, Saulus! Dadoohaso Ngohi noisangisara. Ma ngale ngona Ngohi noiholu de noisangisara, so ngona masirete nisiri bato, so koloko o sapi ma nau moi ma duhutu wosipasi iholu de ma gorobaka yapito so dasiri.’

Rasul 26:14 Iomraidhean Croise

Rasul 21:40

Awi gogolo komagena so ma kapita wisimaha daloha o Paulus aku wobicara. So o ngute-nguteka o Paulus womaokoye de awi gia wasipoma o nyawa yadadalaka la ona magena imapopongo. So kagena de ona imapopongoka, de o Yahudika manga bahasa Ibrani o Paulus wobicara onaka wotemo,

Rasul 22:2

So de ma orasi ona yoise o Paulus wobicara onaka de o bahasa Ibrani, ona foloi imapopongoka.

Rasul 26:13

Ai baba ma Kolano Agripa, ngohi totagi nagala o wange itotiai so tahika o ngeko ma soaka, de o nita moi ma siwa foloisi idoku de o wange o dipaku idisiwa so idahe ngohiku de o nyawa imomote gena misigilolino.

Rasul 26:15

De ngohi tosango totemo, ‘Ya, Jou! So Ngona naguuna.’ So kagena de o Jou wotemo, ‘Ngohi manena o Yesus, kiaka ngona noisasangisara gena.

Rasul 9:7

O bi nyawa o Saulus wimomote ona magena isawangi itogo-togoka de manga ili lo ihiwa, sababu ona iise o ili magena duma ma nyawa lo yakelelowa.

1 Korintus 10:22

Nako igogou paaka komagena, de ngone gena o Jou powidahake. Igogou-gogou, idadiwa ngone nanga siningaka potemo nanga buturu gena ifoloi de to Gikimoi.