Rasul 24:15 - O GIKIMOI AWI JAJI ma BUKU

¹⁵ De ngohi tongongano, maro o nyawa ona manena ani simaka lo, igogou o Gikimoi asa waaka bai o nyawa ma dorou de o nyawa manga sininga itotiai ona yangodu asa isoneka duma asa ioho kali.

Rasul 24:15 Iomraidhean Croise

Matius 25:46

So o Yesus Awi demo magena wadoto dabolo de wotemo, “O bi nyawa ma dorou ona magena yangodu asa yaumo o narakaku kiaka yasangisara de o sone ikokakali, de o bi nyawa de manga sininga itotiai o Gikimoi Awi simaka ona magena asa yamake o oho ka sidutu ikakali.”

Lukas 14:14

Nako komagena, de o Gikimoi asa Awi laha wonisidumu ngonaka, sababu o nyawa maro ona magena ani manara yaakuwa yafanggali. So ma orasi imasidiado o nyawa manga sininga itotiai done wasioho kali, de ngona ani manara ma sopo magena asa wafanggali.”

Yohanes 11:24

De muna motemo, “Igogou! Magena ngohi tanakoka gena una wisimomi ma ngale wisioho kali done ma orasi o dunia ma dodoguka, de o nyawa done o sone ma rabano asa yasioho kali.”

Rasul 24:21

Sababu kanaga yamake gena cawali ai demo moi onaka, ngohi tomatoore de totemo, ‘Igogou, sababu ngohi topiricaya o nyawa isosoneka done asa ioho kali, so de ma ngale magegena o wange manena ngohi ingaho o hakimno bai!’ ”

Filipi 3:21

De Una lo o orasi magena done to ngone nanga rohe o duniaka asa watagali la idadi de imatero maro to Una Awi rohe o sorogaka gena ifoloi daloloha. Sababu Una de Awi kuasa o bi moi-moi dangodu aku wapareta.