Rasul 24:10 - O GIKIMOI AWI JAJI ma BUKU

¹⁰ So ona manga bicara dabolo de ma Gubernur Feliks wosulo la o Paulus aku wobicara, so wotemo, “Ai baba! Ngohi masirete lo tanako ngona itekaka ngomi manena o Yahudika nomipareta de nodadi o hakim. Mutuwade ani simaka de ai sininga isosanangi so tobarani to ona manga galaki moi-moi magena ngohi tasango la tosinako itiai.

Rasul 24:10 Iomraidhean Croise

Lukas 12:11

Nakoso ngini iningaho o puji ma bi tahuka, de inikalaki nagoona ipopareta manga simaka, upa lo nimodo ma ngale o kia bilasu ngini nisango.

Lukas 12:14

De o Yesus wotemo, “We! Magena Ai manarawa, sababu itide la o warisi tosiaturu ngonaka gena, Ngohi isowo.”

Lukas 18:2

Una wotemo, “O doku moika kanaga o hakim moi o Gikimoi wimodowa de lo nagoona bato wasidoohawa.

Rasul 12:17

O Petrus wapoma de una wasingangasu onaka ma ngeko idodooha o Gikimoi wisisupuka o bui ma tahu ma rabano. So una wotemo, “Nitagi o Yakobuska la niwidedemo komagena lo to ngone nanga dodiao ipipiricaya ma somoaka.” So dabolo de o Petrus o tahu magena wodongosa de wotagi o riho ma somoaka.

Rasul 13:16

Gila-gila o Paulus womaoko so wapomaka, de wotemo, “Ai gianongoru o Israelka ma nyawa de o bi nyawa ma somoasi nisusuba o Gikimoika! Hika ningodu gena ai demo nisigise!

Rasul 18:15

Duma ngini manena ningamo ma ngale o demo, de o ronga, de nia Yahudi ma bobita, kiaka dangodu magena ngini bilasu niaaka de nisidiahi masirete. Mutuwade ngohi toholu o moi-moi magena tahakim.”

Rasul 19:33

So kanaga o Yahudika ma nyawa wihiri o nyawa moi awi ronga o Aleksander la ma ngale una wotagali wabicara ona yadadala manga simaka. So o Aleksander o nyawa yadadala magena wapomaka, de tanu una masirete asa wasinako itiai onaka.

Rasul 21:40

Awi gogolo komagena so ma kapita wisimaha daloha o Paulus aku wobicara. So o ngute-nguteka o Paulus womaokoye de awi gia wasipoma o nyawa yadadalaka la ona magena imapopongo. So kagena de ona imapopongoka, de o Yahudika manga bahasa Ibrani o Paulus wobicara onaka wotemo,

Rasul 23:24

De lo o jara moi nisidailako ma ngale kugena o Paulus wopane la una niwingaho de niwijaga niwisidodiahi ma bati niwisidiado ma Gubernur Felikska.”

Rasul 26:1

So kagena de ma Kolano Agripa o Pauluska wotemo, “Ngohi todupa ani sosango ma demo ai simaka nosibicara la toise.” So o Paulus wosubaka, de wapoma la ma ngale wobicara o bi nyawa ona magenaka de awi demo komanena,

1 Petrus 3:15

Duma to ngini nia sininga ma rabaka bilasu nisitatapu ka cawali ma Kristus gena to ngini nia Jou niwisigogigise. Bilasu nimasidailako idoma kasi ma ngale nia piricaya de nia ngongano daputuru o Gikimoika, la o nyawa nagoona bato inisano nginika gena aku niasinako itiai.