Rasul 23:9 - O GIKIMOI AWI JAJI ma BUKU

⁹ Komagena so o Mahkamah Agama o bolu sinoto magena imatekedotoore moi de moi de manga ili foloi ilamo, sidago o guru agama yamuruo naga o Farisika ma nyawa ona lo imaoko de isiholu yagogou, so itemo, “We! Ngomi gena igogou mianako una magena awi sala ihiwa! Sababu nagala kanaga o malaikat eko o gurumi daloloha moi iwisibicara dabolo unaka.”

Rasul 23:9 Iomraidhean Croise

Markus 2:16

Kagena de o bi guru agama yamuruo naga, ona magena o Farisika, Una wikelelo womatamiye woodo de o balastengi itotolomu de o bi nyawa ma dorou ona magena. So Una Awi muri-murika yotemo, “Aistagala! Dadoohaso Una woodo de o balastengi itotolomu de o bi nyawa ma dorou ona magena.”

Lukas 23:22

Duma ma saangeka una wotemo onaka, “Asitagala! Awi dorou o kia. Nakoso maro ngohi to Una Awi sala moi lo tamakewa de ma ngale wisisala sidago bilasu witooma. So ngohi asa tosulo la Una ka wingangapo, dabolo de bilasu Una towipalako.”

Lukas 23:4

So kagena de o Pilatus o imamka ma bi sahe de lo o bi nyawa yadadala magenaka wotemo, “O nyawa manena Awi sala ka moi lo tamakewa la bilasu wifanggali de o sangisara.”

Lukas 5:30

Kagena de o bi guru agama yamuruo naga, ona magena o Farisika, Una wikelelo womatamiye woodo de o bi nyawa ma dorou magena, so ona asa imaridemo de Una Awi muri-murika yotemo, “Aistagala! Dadoohaso Una woodo de o balastengi itotolomu de o bi nyawa ma dorou ona magena.”

Yohanes 12:29

De kagena o nyawa yadadala o ili magena yoise, de ona yamuruo naga itemo, “Wewe! O ili magena nagala o diwotu.” De ma binukali itemo, “Hiwa! Magena nagala o malaikat ibicara Unaka.”

Rasul 11:17

So ngohi tosininga itiai de igogou, o Gikimoi wahike onaka o cocatu imaketero de wonahike ngoneka ma orasi o Jou Yesus Kristus powipiricaya. So maro ngohi manena de o Gikimoi aku towifati, la Una upa wahike Awi Gurumi Datetebi, sababu ona o Yahudika ma nyawa yasowo?”

Rasul 22:6

“Ma orasi ka o dodagi ma raba kasi so o Damsyikka he taado, gena o wange itotiai, de o nita moi isitodoka o dipaku idisiwa de ma siwa isigilolino.

Rasul 22:7

De ngohi ai jaraka de totura o tonaku de o ili moi toise itemo ngohika, ‘Saulus, Saulus! Dadoohaso Ngohi noisangisara.’

Rasul 23:29

De kagena asa ngohi tanako una iwikalaki gena sababu yodupa iwisano ma ngale o Yahudika manga bobita, duma ona iwikalakiwa ma ngale o dorou moi waaka so bilasu o buika wisingosa eko witooma.

Rasul 23:8

Imaaka komagena, sababu o Sadukika yongakuwa kanaga o nyawa isoneka de ioho kali eko kanaga lo o malaikat de o gurumi daloloha ma somoa moi, duma o Farisika ma nyawa ona yongaku igogou o moi-moi dangodu magena idadi de imaaka.

Rasul 25:25

Duma ngohi tamakewa una manena o dorou moi lo waaka sidago una bilasu iwitooma. Sababu una masirete wogolo ngohika la towisidingo ma Kaisar Romaka la una asa iwitailako, so komagena ngohi tositatapuka asa una wotagi.

Rasul 26:31

so isupu ma duduka, de ona itemo moi de moika, “O nyawa una magena o dorou moi lo waakawa de sidago bilasu iwitooma eko o buika wisingosa.”

Rasul 27:23

Ngohi tanakoka, sababu kaputuka asa o Gikimoi towisusubaka de Awi manara taaakaka, gena wasulo o malaikat moi so yahino ai dateka imaokoye de isingangasu ngohika itemo,

Rasul 5:39

Duma nakoso magena ma sihino o Gikimoino, done asa niatogu niaakuwa. So done ma duuru asa niakelelo igogou o Gikimoi niwilawangi.” O Gamaliel awi sitiari magena o Mahkamah Agama ma nyawa ona magena isigise de yadehe daloha, so imatekefakati upa ona yatooma.

Rasul 9:4

De una awi jaraka de wotura o tonaku de o ili moi woise itemo unaka, “Saulus, Saulus! Dadoohaso Ngohi noisangisara.”

1 Korintus 10:22

Nako igogou paaka komagena, de ngone gena o Jou powidahake. Igogou-gogou, idadiwa ngone nanga siningaka potemo nanga buturu gena ifoloi de to Gikimoi.