Rasul 23:21 - O GIKIMOI AWI JAJI ma BUKU

²¹ Duma kanaga o nyawa yamoruha ifoloi gena imamingihuka, de widamaha la ona witooma. Ona yangodu isasi daboloka gena bilasu o Paulus iwitago de iwitooma kasi de asa ona iodo de iudo kali. De o orasi manena ona imasidailako daboloka, so itamaha la tanu manga gogolo magena ngona nosimote de naaka. So, baba, togolo tanu manga gogolo magena upa lo nosimote de naaka.”

Rasul 23:21 Iomraidhean Croise

Lukas 11:54

iwinanano la Una iwisabatolo de manga sano idala, ma ngale ona aku iwisisala.

Rasul 20:19

Ena gena, o Jou Awi manara taaka de ngohi ai ronga masirete tomasihiewa, de ma orasi o Jou Awi manara taaka masoa-masoa ngohi toari ma ngale ngini tinigalusiri, de lo ngohi ai sininga isusa sababu o Yahudika manga fakati ngohi asa itooma.

Rasul 23:22

So ma kapita wotemo unaka, “O habari manena upa lo o nyawa ma somoaka nosingangasu.” Dabolo de o gohiduuru una magena wisulo so wolihoka.

Roma 9:3

Ma ngale ai aheli moi de ona magena aku ma Kristus wipiricaya gena, lebelaha ngohi masirete o Gikimoi woikutuku de lo ngohi de ma Kristus imisikitingaka.

2 Korintus 11:26

Ma para ma dala ngohi ai dodagi ma rabaka tobodito. Kanaga o bi nguuhi. Kanaga o nyawa ikokoora. Kanaga o Yahudika ma nyawa de lo o Yahudika ma nyawa yasowo gena ngohi isangisara. Kanaga ngohi tobodito o bi dokuka, de o doku ma soaka, de lo o teoka. Kanaga lo ngohi tobodito o bi nyawa manga sidongirabaka kiaka isihaga itemo ona o nyawa ipipiricaya.