Rasul 22:6 - O GIKIMOI AWI JAJI ma BUKU

⁶ “Ma orasi ka o dodagi ma raba kasi so o Damsyikka he taado, gena o wange itotiai, de o nita moi isitodoka o dipaku idisiwa de ma siwa isigilolino.

Rasul 22:6 Iomraidhean Croise

Dodadi 14:15

Kagena de asa o Abram waregu awi nyawa magena idadi o bolu muruo nagaka, so asa ona yalawangi de yakudoti o putu itotongirabaka, sidago lo yautungu de asa yaginihi ona magena sidago yahika o Hoba ma dokuka, ena gena kudahu o Damsyik ma doku o koremiaku.

Dodadi 15:2

Duma o Abram wotemo, “Ya Jou, Ngona Nokokuasa! Kodo! Ngona gena o ngopa noihike waasi ngohika. So done to ngohi ai arata de ai moi-moi dangodu manena gena cawali ai nyawa woleleleani ai tahu ma rabaka o Eliezer o Damsyik ma nyawa moi una magena asa wacoho de wapareta. Ma ngale komagena so, ngaroko upa he o loha ma fanggali moili noihike ngohika.”

Matius 17:2

To ona manga goginano ma rabaka Una Awi jamani ingali. Awi bio magena isiwa-siwa maro o wange ma sora de Awi baju idadi daare de isiru.

Rasul 22:7

De ngohi ai jaraka de totura o tonaku de o ili moi toise itemo ngohika, ‘Saulus, Saulus! Dadoohaso Ngohi noisangisara.’

Rasul 23:9

Komagena so o Mahkamah Agama o bolu sinoto magena imatekedotoore moi de moi de manga ili foloi ilamo, sidago o guru agama yamuruo naga o Farisika ma nyawa ona lo imaoko de isiholu yagogou, so itemo, “We! Ngomi gena igogou mianako una magena awi sala ihiwa! Sababu nagala kanaga o malaikat eko o gurumi daloloha moi iwisibicara dabolo unaka.”

1 Korintus 15:8

De ma dodoguka, Una lo womasimane ngohi masireteka, ngaroko ngohi gena imatero maro o ngopa moi awi orasi yaado waasi de wisibuoka.

Gogelelo 1:16

To Una Awi gia ma girinaka wacohono o bi ngoma ngai tumudingi, de Awi uruno isupu o sumarangi moi ma doto sinotoka. De Una Awi bio gena ileto de ma leto ma buturu magena maro o wange itotiai.