Rasul 22:10 - O GIKIMOI AWI JAJI ma BUKU

¹⁰ So kagena de ngohi tosano kali totemo, ‘Ya, Jou, o kia bilasu ngohi taaka.’ De o Jou Yesus wosango ngohika wotemo, ‘Nomomi! De notagi o Damsyik ma kotaka nowosa. Kagena asa isingangasu o moi-moi dangodu o Gikimoi wositatapuka bilasu ngona naaka.’

Rasul 22:10 Iomraidhean Croise

Rasul 10:33

So ngohi jai-jai o nyawa tasulo itagi la niaso ngona, de igogou ngona ani sininga daloha sidago ngona nonena nahinoka. O orasi manena ngomi mingodu mimatolomuka o Gikimoi Awi simaka, la miise o kia o Jou wonisulo ngona nodedemo ngomika.”

Rasul 16:30

So kagena de una wangaho ona so wasisupuno, de wotemo, “Baba-baba, o kia bilasu ngohi taaka la o Gikimoi asa woisisalamati.”

Rasul 2:37

Ma orasi o nyawa ona magena yoise o demo magegena, ona manga sininga yaruwaheka. So ona imasano o Petruska de o bi rasul ma somoaka itemo, “O gianongoru, so ngomi manena bilasu o kia miaaka ma ngale mia manara datotorou magena.”

Rasul 22:11

De o nita ma siwa ma buturu magena sidago ngohi tomasigelelo kawa, so o nyawa imomote gena bilasu ai giaka yacoho de ituda ma bati mimasidiado o Damsyikka.

Rasul 9:6

Duma o orasi manena nomomi la notagi nowosa o kotaka, de kagena asa nisingangasu o kia bilasu ngona naaka.”