Rasul 21:5 - O GIKIMOI AWI JAJI ma BUKU

⁵ Duma o riho magenaka mia orasi damataka, de bilasu mimajobo o Yerusalemka. So mia dodagi asa miadofali, de ona ipipiricaya yanau, de o ngopedeka, de lo o ngopa-ngopa ona yangodu imisitota sidago o kotano misisupu. So kadai o teo ma dateka ngomi mibukuku de misumbayang kasi.

Rasul 21:5 Iomraidhean Croise

Matius 14:21

O ino yaoodo magena ka yanau gena yacala motoha, o ngopedeka de o ngopa gena yaeto waasi.

Markus 1:40

De o nyawa moi wipapado wakahika o Yesuska, de wobukuku wosuba. De wogolo wotemo, “Baba, nako nomode, de igogou aku noisiloha.”

Lukas 22:41

La Una womatinga sutu ikuruka, de o tonaku wobukuku de wosumbayang,

Rasul 15:3

So o gogobu o Antiokhiaka yasuloka dabolo, de o Paulus, de o Barnabas, de lo ona yamuruo naga magena imajobo itagi o Yerusalemka. So ma orasi o Fenisia ma daeraka de o Samaria ma daeraka yakiloli de o dokuka itulu-tulu, de ona isingangasu idodooha o Gikimoi Awi manara so o Yahudika ma nyawa yasowo lo o Yesus iwipiricayaka, sidago o bi nyawa ipipiricaya o bi doku magenaka ona yangodu yanali de imore.

Rasul 17:10

De o dodiao ipipiricaya o Tesalonikaka yohawateri ma ngale o Paulus de o Silas asa yatooma, so o putu magena dabolo yariwo so o Paulus de o Silas aku itagi iloda o Berea ma kotaka. So ona imasidiado o Bereaka, de kagena o Paulus de o Silas itagi so iwosa manga puji ma tahuka.

Rasul 20:36

So kagena de o Paulus wobicara dabolo, de una dede ona yangodu ibukuku so wosumbayang kasi.

Rasul 20:38

sababu manga sininga ipeleso poli ma ngale wasitemo onaka done ona he wikelelo kawa. Dabolo de ona yangodu o Paulus iwisitota sidago lo o deruko wisibane.

Rasul 9:40

So kagena de o Petrus wosulo o nyawa yangodu isupu kasi, de wobukuku so wosumbayang o Gikimoika. Dabolo de una womabulutu ami rohe worisima, de wotemo, “Tabita, nomomi!” Ato ami lako mapelenga o Petrus mowikelelo, de momomi so momatamiye.