Rasul 21:1 - O GIKIMOI AWI JAJI ma BUKU

¹ So mimasiloloa dabolo, de ngomi ma binuka de o Paulus mimajobo mitagi o Yerusalemka. So ngomi miside miakahika de mimasidiado o Kos ma guraka. So ma langino misideli miakahika o Rodos ma guraka, kagena de miside kali so mimasidiado o Patara ma bobaneka.

Rasul 21:1 Iomraidhean Croise

Lukas 5:4

Una wadoto daboloka, de asa wotemo o Simonka, “Nosihoru iluku-lukuko de o nao nasoma.”

Lukas 8:22

O wange moiku o Yesus de Awi muri-muri o deruku yopane, de wotemo onaka, “Hino la ngone pomasisihito kadoka o talaga ma sonongaka.” So ona o deruku so yoside de imajoboka.

Rasul 27:2

Kagena o Kaisarea ma bobaneka de o deru moi o Adramitium ma kotano asa imasidiado. So o deru magenaku ngomi mipane de asa miside miakahika o Asia ma daera ma bi bobane moi-moika mitulu. So ngomi de o Makedonia ma nyawa moi, awi ronga o Aristarkhus, una magena o Tesalonikano wakahino so una de ngomi miside mimakederu moi.

Rasul 27:4

So kagena de o deru magenaku ngomi misideli, duma o paro mia simano ikahino, so ngomi miakahika o Siprus ma guraka mimasidutulu ma ngale o paro upa midahe.

1 Tesalonika 2:17

Ai dodiao nipipiricaya, maro o ngopa moi de kanaga awi baba de awi awa ngaroko iwidongosaka duma ka wasosiningasi, komagena lo ngomi minidongosaka so ngini he minikelelo kawa. So ngaroko o orasi ma cunu ngini de ngomi nanga rohe asa imakitingaka, duma o orasi isigeto-getoka minisosininga de ngomi mia dupa foloi daputuru. De mia edekati foloi ilamo la aku miahikali la pomatekekamakeli.