Rasul 20:25 - O GIKIMOI AWI JAJI ma BUKU

²⁵ De o orasi manena ngohi tanakoka ngohi ngini tinikurumi de tosihabari daboloka, idodooha o Gikimoi wopareta maro o kolano moi o nyawaka, so ningodu manena done asa ngohi he nikelelo kawa.

Rasul 20:25 Iomraidhean Croise

Matius 10:7

Hika niasihabari de nitemo onaka, ‘Ma orasi he imasidiado ma ngale o Gikimoi asa wopareta maro o kolano moi.’

Matius 13:19

O gisisi ma binuka o ngekoka o namo yaodo gena, imatero bato o nyawa yoiseka o Gikimoi Awi habari, duma yosihodawa, so o Iblis wahino de wakoora to ona manga sininga ma rabano so isisaka.

Matius 13:52

Kagena de Una lo wotemo onaka, “Nako komagena, de kanaga o ade-ade moili komanena: Nakoso o guru agama moi kanaga wogolo la o dodoto ma ngale o Gikimoi Awi pareta gena widoto, de o guru agama magena aku wisitero maro o tahu ma duhutu moi, ena gena awi kaya eko awi arata magena ma ngihino wosisupu de wasikelelo awi arata damomuane de lo awi arata idodoma.”

Matius 4:17

Ma orasi magena de isikahino o Yesus wodoto wotemo, “He! Nimatoba de nimatoduba la nia dorou niodongosa, sababu o Gikimoi wopareta maro o kolano moi gena he womasidiado.”

Matius 4:23

Dabolo de o Yesus o Galilea ma bi doku wakiloli so wahika manga puji ma bi tahuka wodoto de o habari daloloha wosihabari ma ngale o Gikimoi asa wopareta. De lo o nyawa yasisiri de yopopanyake gena yangodu wasiloha.

Lukas 16:16

O Gikimoi Awi bobita kiaka o Musa de o nabi-nabi yalelefoka gena, igogou kanaga o nyawa yosigisesi sidago o Yohanes Wooosi awi hino. O orasi magena de o habari daloloha ma ngale o Gikimoi asa wopareta maro o kolano moi gena isihabari. De o bi nyawa yadadala gena ikaeli igogou la yodadi Awi nyawa to Una Awi pareta ma rabaka.

Lukas 9:60

Duma o Yesus wosangoli de ka woade-ade wotemo, “Dohaka, la o nyawa isosoneka ona masirete manga dodiao isosone gena asa yapoosu. Duma ngona gena notagi o habari, ma ngale o Gikimoi asa wopareta maro o kolano moi gena, nosihabari.”

Rasul 20:38

sababu manga sininga ipeleso poli ma ngale wasitemo onaka done ona he wikelelo kawa. Dabolo de ona yangodu o Paulus iwisitota sidago lo o deruko wisibane.

Rasul 28:31

So una de awi baranika de lo wifatiwa so womatoguwa ona magena wadoto ma ngale o Jou Yesus Kristus de lo ma ngale idodooha o Gikimoi Awi dupa o bi nyawa wapareta maro o kolano moi.

Rasul 8:12

Duma ona magena yopiricaya ma orasi o Filipus wasihabari o habari daloloha ma ngale o Gikimoi asa wopareta maro o kolano moi de lo o Yesus Kristus Una magena to ona manga Salamati ma Kolano, so yanau de lo o ngopedeka ona yangodu yaosika.

Roma 15:23

Kanaga o orasi manena de o nyawa o riho dangoduka ma ngale ma Kristus gena yoise daboloka, de lo ma dekaka so de o taungu muruo nagaka ai dupa foloi daputuru gena ngini tinikurumi de tiniado.

Galatia 1:22

Komagena, ngaroko o bi gogobu ma Kristus wipipiricaya o Yudea ma daeraka, ona magena asa ngohi masirete gena imake waasi.

Kolose 2:1

So ngohi todupa tinisingangasu nginika ma ngale ngini o Koloseka gena ngohi asa tomanara tagogou, de upa ka ma ngale ngini, duma ma ngale lo o nyawa ipipiricaya o Laodikia ma dokuka, de lo kanaga ona ipipiricaya ma binukali kiaka ona dede ngohi mimakamake waasi.