Rasul 2:3 - O GIKIMOI AWI JAJI ma BUKU

³ Dabolo de yakelelo o kia naga koloko o uku ma sora ilade-lade de ihaja so itangi de igoge moi-moi ona magenaku.

Rasul 2:3 Iomraidhean Croise

Dodadi 11:6

Wananoka, de Awi sininga ma rabaka wotemo, “He! O bi nyawa magena yosigoko komagena, sababu ona yangodu o bangsa moi de manga bahasa lo ka moi. So ona manga edekati ma nonoma magena nakoso isiboloka de gila-gila ona manga edekati moi-moi gena aku yaaka.

Matius 3:11

So ngohi manena gena ngini o nyawa tiniosi de o ake la idadi maro o nonako moi gena, igogou ngini nimatoba de nimatodubaka, duma ma orasika kanaga wimoi asa wahino wotuuruno, gena Una Awi manara foloi ilamo, so ngohi manena to Una Awi simaka gena o kia lo waali idahe, ka Awi capato taaho maro o nyawa wileleleani moi lo idadiwa. De ngini la kanaga nimatoba de nimatodubaka, Una magena asa wosingosa o Gurumi Datetebi ma kuasa de o uku la nia sininga ma rabaka wopareta.

Matius 3:15

Ma ngale komagena, so o Yesus wosango unaka wotemo, “Dohaka, la o moi-moi magegena idadi, sababu ngone bilasu pamote komagena la o Gikimoi Awi dupa paaka patotiai.” Dabolo de o Yohanes gena wisimote so o Yesus iwiosika.

Lukas 24:32

So ona imatekebicara yotemo, “We! So kangano o ngeko ma soaka de ngone nanga sininga maro isora, ma orasi Una wonabicara de lo o Gikimoi Awi Jaji ma Buku ma raba gena wonadoto itotiai ngoneka.”

Rasul 1:15

O wange ma moiku ma orasi o nyawa ipipiricaya magena imatolomuno, manga dala nagala yaratu moi de monahalo, kagena de o Petrus womaokoye de wobicara onaka wotemo,

Rasul 2:11

o Yahudika ma nyawa de lo o Yahudika ma nyawa yasowo duma o Yahudika manga agama pamoteka, de asa ma binukali o Kreta de o Arab ma nyawa. Ngaroko komagena, duma ngone inangodu poise ona aku ibicara de moi-moi to ngone nanga doku ma demo, de ona inasingangasu ngoneka ma ngale o Gikimoi Awi manara ilalamo-lamo moi waakaka bai!”

Rasul 2:2

Imatodoka o kuguru daiili-ili moi maro o rato dapoputuru iuti o sorogaku ikahuku. De o bi nyawa o tahu ma rabaka, kiaka ona imatatamiye, kagena lo yoise o kuguru ma ili magena.

Rasul 2:4

De o Gurumi Datetebi Awi kuasa wowosa ona yangoduku, de manga sininga ma rabaka wopareta so de o kuasa magena ona isolano isibicara de o bi bahasa ma somoa.

1 Korintus 12:10

De o nyawa moi kali kanaga wasicatu o kuasa, la una eko muna magena aku o nonako ihahairani yaaka. O nyawa moi kali kanaga wasicatu, la una eko muna magena aku o Gikimoi Awi demo yosingangasu. O nyawa moi kali kanaga wasicatu, la una eko muna magena aku o kia naga o Gikimoi Awi Gurumino de o kia naga o gurumi ma somoano gena yahiri itiai. De o nyawa moi kali kanaga wasicatu, la una eko muna magena aku o bi bahasa irupa-rupa o Gikimoi Awi Gurumino isibicara. De lo o nyawa moi kali kanaga wasicatu, la una eko muna magena aku o bi bahasa Awi Gurumino ma ngale gena yodedemo.

Yakobus 3:6

De lo maro o uku so ngone nanga lade lo aku o moi-moi yatupu. Sababu o Iblis una masirete asa nanga lade gena ma sigaro la pobicara datorou, so o nyawa la de manga lade manga sininga ma rabaka gena asa ifoloisi datorou. So o moi-moi manga sininga ma rabaka sidago lo o moi-moi dangodu yaaaka de yamamake manga oho ma rabaka gena, dangodu lo datorou.

Gogelelo 14:6

Kagena de ngohi takelelo o malaikat ma somoa moili una magena wososo o ngawa-ngawaku wouti, de waaho o Gikimoi Awi habari daloloha gena isihabari ka sidutu ikakali. Waaho la ma ngale wasihabari o bi nyawa igogoge o duniaka, ona magena o bi bangsa moi-moi, o bi soa moi-moi, de lo o bi bahasa moi-moika.