Rasul 2:1 - O GIKIMOI AWI JAJI ma BUKU

¹ Ma orasi o Pentakosta ma Wange ilalamo imasidiadoka, de o bi nyawa ipipiricaya ona magena yangodu imatolomu o tahu moika.

Rasul 2:1 Iomraidhean Croise

Rasul 1:5

Sababu dede o ake gena o Yohanes winisiosi, duma o wange muruo nagasi done to ngini nia siningaku asa wowosa o Gurumi Datetebi.”

Rasul 1:8

Duma bilasu ngini nianako ma orasika done asa o Gurumi Datetebi wouti de wowosa nginiku de o Gikimoi winihike o kuasa, la ngini nidadi Ai saksi ma ngale Ngohi o Yerusalemka, o Yudea ma daera ma sigilolika, de o Samaria ma daeraka de sidago lo o dunia ma pupuku ihaka.”

Rasul 2:46

O wange isigeto ona imatekerimoi imatolomuno o Gikimoi Awi Tahuka. De manga nali de manga sininga daloha so yodupa manga tahu moi-moika imatolomuno asa yoodo,

Rasul 4:24

So ma orasi ona iise, de ona manga sininga ka ka moi isumbayang o Gikimoika itemo, “Ya, Jou Nokokuasa! O dunia, de o dipa, de lo o teo moi-moi dangodu de ma raba gena to Ngona Ani gia ma goguto.

Rasul 4:31

Ma orasi isumbayang dabolo o riho imatotolomuka magena ihiti. De o Gurumi Datetebi Awi kuasa daasu-asu iwosa ona yangoduku, so wopareta sidago o habari daloloha o Gikimoino isihabari de manga modo lo ihiwa.

Rasul 4:32

O orasi magena o nyawa ipipiricaya yangodu imatekerimoi so to ona manga sininga ka ka moi. So o nyawa moi lo yahiwa to una awi arata masirete de womadengoka, duma o nyawa moi la kanaga awi arata moi-moi dangodu de maena unaka, magena imatero ka to ona yangodu.

Rasul 5:12

O bi rasul o kawasa manga sidongirabaka o nonako ihahairani yaaka idala. De o bi nyawa ipipiricaya yangodu imatekerimoi so o Gikimoi Awi Tahu o Salomo awi Serambi ma rabaka imatolomuno.

Roma 15:6

La ngini ningodu de nia sininga imarimoi ma ngale aku nisilamo o Gikimoi Awi ronga, o Yesus Kristus nanga Jou Awi Baba.

1 Korintus 16:8

Duma kanena o Efesus ma kotaka ngohi bilasu togogesi sidago o Pentakosta ma Wange ilalamo imasidiado kasi,

Filipi 1:27

Hika niakelelo o kia naga moi ifoloi ilamo gena, ka cawali o habari ma ngale ma Kristus gena niamote. La bai ngohi kanaga nginika bai ngohi ihiwa gena, dadoohawa. Ngohi asa tanako ngini gena nia sininga ka ka moi nimasigocohosi maro o bolu moi, so o nyawa o habari daloloha yahoholu gena upa ona magena niamaha-maha, ma ngale ngini upa sidago nibaja de o habari daloloha niopiricaya kawa.

Filipi 2:2

Ma gola komagena so ngohi togolo hika ngini nia sininga nisirimoi, de ngini gena nimatekedodara moi de moika, de lo to ngini nia sininga ma meta gena ka ka moi. De tanu magena niaaka la ai sininga ifoloi danali.