Rasul 16:7 - O GIKIMOI AWI JAJI ma BUKU

⁷ So kagena imasidiado o Misia ma daera ma batika, de to ona manga edekati asa itagi yakahika o Bitinia ma daeraka, duma o Yesus Awi Gurumi wasimahawa ona kagena yakahika.

Rasul 16:7 Iomraidhean Croise

Lukas 24:49

Nimasosininga daloha, done Ngohi asa tosulo la o Gurumi Datetebi wouti kanena nginiku, maro Ai Baba wojajajika. Duma ngini bilasu niodamaha idoma o kota manenaka, sidago o Gikimoi winihike o kuasa nginika la ngini aku niputuru.”

Rasul 16:8

So ona gila-gila itagi o Misiaka yakahika de itagi yakahoko o Troas ma kotako o teo ma dateka.

Rasul 8:29

So kagena de o Gurumi Datetebi wotemo o Filipuska, “Nahika awi padati ma dateka, de notagi nowimote-mote.”

Roma 8:9

Ngaroko komagena, nako ngini gena komagenawa. Duma ngini asa niwisigise o Gurumi Datetebika, sababu igogou kanaga to ngini nia sininga ma rabaka wogogeka. De nakoso kanaga o nyawa lo manga sininga ma rabaka ma Kristus Awi Gurumi ihiwa, de ona magegena ma Kristus Awi nyawa yasowo.

Galatia 4:6

So ngini gena o Gikimoi Awi ngopa-ngopa, so ma ngale Una masirete Awi Gurumi kanaga ma Ngopaka wogogoge magena wasulo la ngone nanga sininga ma rabaka lo wogoge. De o Gurumi magegena ngone wonaaka so nanga nali positoore potemo o Gikimoika, “Awalele! Ngona gena to ngohi ai Baba masirete.”

Filipi 1:19

ma sababu magena ngohi tanakoka, done ngohi ma kolano awi hakim ma simaka, ma ngale ngohi manena ngaroko o sangisara dangodu ma rabano gena aku isisupu eko hiwa, ngohi asa tamake o utungu. Sababu ma ngale ngohi ngini niasumbayang ma rabaka gena niwosawa de o Yesus Kristus Awi Gurumi lo aku ngohi woiriwo.

1 Petrus 1:1

Ngini ningodu o Gikimoi winihihirika so nidadi to Una Awi nyawa, la nitagi niodobiau o bi propinsi moi-moika, ena gena o Pontuska, o Galatiaka, o Kapadokiaka, o Asiaka, de o Bitiniaka, de kagena manga sidongirabaka nigoge maro o nyawa itatagino. Ngohi, Petrus, o surati tolelefo gena o Yesus Kristus woisitatapuka so todadi o rasul moi.

1 Petrus 1:11

Kanaga ma Kristus Awi Gurumi manga sininga ma rabaka wasingangasu onaka, Una done asa o sangisara widahe de ma duuruka lo asa o loha widahe ifoloisi idala. So magena muruoka de ma dongoho kiaka ona yodupa yanako, so ona yatailako isidodiahi.