Rasul 15:10 - O GIKIMOI AWI JAJI ma BUKU

^10-11 Upa lo nitemo de o Gikimoi Awi bobita o Musa wosilelefoka paaka gena aku inasisalamati. Hiwa! Sababu ngone panako igogou cawali de o Jou Yesus Awi dodara ngoneka so aku wasisalamati, maro ka ona o Yahudika ma nyawa yasowo wasisalamati. Nako o nyawa o Yahudika yasowo pasulo ona yaaka o bi bobita magena, kiaka nanga ete de nanga topora de ngone masirete lo paaka paakuwa, o Gikimoi Awi edekati ma ngale ona o Yesus iwipiricaya la aku wasisalamati gena, ngone pasisangisara. So upa pasulo komagena bai!”

Rasul 15:10 Iomraidhean Croise

Matius 23:4

Ona magena o nyawa yasimoku o adati de o galepu ma bio idala de datotubuso, duma ona masirete lo o nyawa yariwowa la o adati de o galepu magena yamote.

Matius 4:7

So o Yesus wosango wotemo, “Kanagasi o Bukuka isilefoli komanena, ‘Ani Jou Gikimoi gena upa nowidahake.’ ”

Rasul 5:9

So kagena de o Petrus wotemo munaka, “Dadoohaso ngona de ani roka nimafakati so o Jou Awi Gurumi niwidahake niwikulai, la upa o fanggali niamake. Hika ani ngau naleo de noisesi! O bi nyawa ani roka wipopoosu gena he ilihoka, so ngona lo done nimoku de nisisupu.”

Galatia 4:9

Duma o orasi manenaka de ngini magena asa igogou o Gikimoi niwinakoka, eko ngini gena o Gikimoi lo wininakoka. Komagena de dadodooha so nia sininga ma rabaka asa itiaiwa, so nisisala de sidago o Yahudi manga bobita o Gikimoino, ngaroko nia sininga yaakuwa yaaka itiai, duma magena niamote kali. Upa sidago magena niamote kali so ngini maro idodomaka inipareta kali.

Galatia 5:1

So ngone manena igogou-gogou inapalakoka, de upa he o bi bobita o Gikimoino pamote kali ma ngale nanga sininga paaka itiai. Ma Kristus waakaka so ngone napalakoka, maro o sapi moi yapopiliku gena yasose so ma bobiliku ipalakoka. Magena igogou so ngini gena bilasu nimapalako de upa lo nimasimaha sidago ngini o bobita magena niamote kali so nisitubuso, maro o nyawa moi o gina datotubuso watahi so wisikangela.

Ibrani 9:9

O orasi manena magena maro ka o nonako moi. Nakoso ngone nanga gaso o haiwani de lo nanga suba ma somoa gena posisuba o Gikimoika, maro o jaji idodoma ma bobitaka, gena yaakuwa nanga sininga isitiai la idadi pomasidate Unaka.