Rasul 14:9 - O GIKIMOI AWI JAJI ma BUKU

⁹ O wange moiku ma orasi o Paulus wobicara, de o nyawa una magena kagena womatamiye de awi demo gena wosigigise. So kagena de o Paulus wikeri-keri una magenaka, de wimalo igogou una o Gikimoi wipiricaya so aku wisiloha,

Rasul 14:9 Iomraidhean Croise

Matius 13:58

Komagena so o riho magenaka o nonako ihahairani idalawa waaka sababu ona manga piricaya ihiwa.

Matius 15:28

De Una womitemo, “We! Igogou, ani piricaya daputuru. Mahasi la asa idadi maro o kia ngona nodudupa.” De o orasi magena bato igogou ami ngopa magena ami toka imahoika.

Matius 8:10

Kagena de o Yesus ma kapita awi demo gena woise, de Una wohairani icarawa. Komagena so watemo o bi nyawa iwimomoteka, “Awalele! Nginika tinisingangasu igogou, o bi Yahudika ma nyawa kagena o Israel awi ngopa de awi dano manga sidongirabaka, maro o nyawa una manena awi piricaya ma lamo komanena, gena o nyawa moi lo tamake waasi.

Matius 9:22

De Una womakiliho Awi duduka, so womikelelo o ngopedeka muna magena. De wotemo munaka, “He! Ai ngopa, sababu ngona noipiricaya so ngona nilohaka, so ani sininga naputuruno!” So o orasi magena bato igogou o ngopedeka muna magena milohaka.

Markus 10:52

Kagena de o Yesus wotemo, “Notagi, sababu de to ngona ani piricaya Ngohika asa nisilohaka.” De o orasi magena dabolo wopipilo asa womasigeleloka, de una lo wotagi o Yesus iwimoteka.

Markus 2:5

La o Yesus wakelelo manga piricaya ma lamo komagena, de wotemo woluluguka, “Ai ngopa, ani sininga nosiputuru. To ngona ani dorou tosiaponguka.”

Markus 8:25

So o Yesus Awi gia wosipada kali awi lakoka. So orasi magena dabolo de awi lako daloha kali so womasigeleloka, de wanako itiaika.

Rasul 10:4

O Kornelius womaginano o malaikat magenaka de wimodo so wotemo, “Baba, o kia naga.” O malaikat magena isango itemo, “To ngona ani sumbayang o Gikimoi woiseka de ani roriwo o nyawa isususaka gena wakeleloka, so wodupa wafanggali ngonaka.

Rasul 3:4

So kagena de ona imaginano unaka, de o Petrus wotemo, “Nominano ngomino!”