Rasul 13:41 - O GIKIMOI AWI JAJI ma BUKU

⁴¹ ‘He! Ngini o bi nyawa nagoona Ai demo yodupa isimade. Hika niise Ai demo manena. O orasi manena o manara moi Ngohi asa taaka de ngaroko o nyawa nisidoto nginika lo, ngini asa niopiricayawa. De Ai manara magena asa nisitodoka sidago niohairani de nisone bai!’ ”

Rasul 13:41 Iomraidhean Croise

Lukas 16:14

O Yesus Awi dodoto dangodu magena o Farisika ma nyawa yoise, de sababu ona magena o pipi yododesere, so ka iwisiihe.

Lukas 23:35

O bi nyawa yadadala yahino imaokono kagena de yotomina. Komagena lo o Yahudika manga roriri wisimade, de yotemo, “Cedeke! O nyawa ma somoa wasisalamati, hika o orasi manena Una Awi rohe masirete de wosisalamati, nakoso igogou Una o Salamati ma Kolano o Gikimoi wihihirika.”

Rasul 13:47

Sababu o Gikimoi womisulo ngomi gena komanena, ‘Ngohi tonisitatapu ngona la nodadi maro o nita moi o bi nyawa ma somoaka ngaroko ona magena o Yahudika yasowo, la ma ngale ngona o nyawa yangodu o dunia ma dokuka aku isisalamati.’ ”

Rasul 22:21

Kagena de o Jou wotemo kali ngohika, ‘Saulus! Notagi bato! Sababu Ngohi asa tonisulo notagi o bi nyawa o Yahudika yasowo de o doku ikukuruka.’ ”

Rasul 3:23

Nakoso o nyawa nagoona la yamotewa maro o kia ma nabi wotetemo magena, ona magena o Gikimoi asa Awi nyawa ma dongirabano wasisupu de wasisa.’

Rasul 6:14

Ena gena, ngomi miiseka una wotemo o Yesus, o Nazaret ma nyawa magena, done o Gikimoi Awi Tahu manena waruba, de asa watagali o bobita o Musa walelefoka gena ma ngale nanga adati de nanga galepu.”

1 Tesalonika 2:16

Komagena ona imilawangi ma ngale ngomi o habari daloloha upa misihabari o Yahudika ma nyawa yasowo la ona lo upa o Gikimoi wasisalamati. So maro o rube moiku la o ake poguse sidago iwedoka, komagena lo ona manga dorou lo foloisi imadogo sidago o dorou idala gena yaakaka. De ma ngale magegena igogou o Gikimoi wadoosa so asa wasisangisara foloisi datubuso onaka.

1 Petrus 4:17

Sababu ma ngale o Gikimoi Awi nyawa masirete to ona manga manara ma sopo wahiri, magena ma orasi yaadoka. Duma nakoso wodoma to ngone nanga manara ma sopo wahiri la magena daboloka, de igogou Una asa wasangisara foloisi datubuso o nyawa ona magena nakoso Awi habari daloloha de yosigise iholu.