Rasul 13:2 - O GIKIMOI AWI JAJI ma BUKU

² Ma orasi moi o gogobu yoodowa de youdowa so isumbayang o Jouka, de o Gurumi Datetebi asa wosingangasu o gogobu magenaka, “Hika ngini o Barnabas de o Saulus niahiri la ma ngale itagi yaaka o manara kiaka tositotatapu dabolo onaka.”

Rasul 13:2 Iomraidhean Croise

Matius 17:21

Duma o toka maro komagena, maena niodusu niaakuwa ka cawali nisumbayang o Gikimoika de lo niodowa de niudowa. O ngeko ma somoali gena ihiwa.]”

Matius 6:16

“Nakoso ngini niodowa de niudowa, upa nimatuhudu maro o nyawa manga sigogise ikokulai o Gikimoika ona magena yaaka. Ma orasi ona yoodowa de youdowa, de yodupa imatuhudu de manga bio yamasauwa de lo manga hutu yawusiwa, la ma ngale o nyawa yanako ona yoodowa de youdowa. So tinisingangasu igogou, sababu ona manga giliri o nyawano gena yamake daboloka, so o Gikimoi Awi fanggali gena he ihiwa onaka.

Matius 9:38

Komagena so ngini bilasu nimasigaso o doro ma duhutuka, de nigolo la ma ngale yobiuutu una wasulo la ona itagi awi doroka youtu.”

Lukas 10:1

Dabolo de o Jou Yesus wimomote manga sidongirabano wahiri yamoritumudingi, de wasulo la ona yasosinoto asa itagi yododoma o doku yageto, kiaka done Una lo wototuuru de asa watulu.

Rasul 10:19

De o Petrus awi gogelelo ma gamamu ka watohosi, de o Gurumi Datetebi wotemo, “He, Petrus! Kagenadahu o nyawa yaruwange gena ngona nisari.

Rasul 10:30

De o Kornelius wosango wotemo, “Kapagange nagala o cako saange ma orasi komanena, de ai tahu ma rabaka tosumbayang. Tomatodoka o nyawa moi awi baju isisiru ai simaka womaokoye.

Rasul 13:3

So o gogobu yoodowa de isumbayang dabolo, de manga gia yahado o Barnabas de o Saulusku ma ngale yasitatapu o manara magena yaaka, dabolo de yasulo la ona yasinoto magena yotagi.

Rasul 13:4

O Gurumi Datetebi wosulo so o Barnabas de o Saulus bilasu imajobo o Siprus ma guraka. So o Antiokhiaka de itatagi yakahoko o Seleukia ma bobaneko, so kagena de asa o deruku ipane so iside yakahika o Siprus ma guraka.

Rasul 14:26

de o deruku so iside yakahino kali o Antiokhia ma kotano o Siria ma daerano, kiaka idoma o riho magenaka manga dodagi isisolano waasi, de ona yasisaraha kasi o Gikimoika la Awi laha wasidumu onaka, ma ngale aku ona manga manara yaaka, kiaka o orasi manena asa ona isiboloka.

Rasul 20:28

So, ai dodiao, o Gurumi Datetebi ngini winihirika la ngini nidadi o roriri, so nimajaga nia piricaya masirete la niamote igogou o Gikimoi Awi dodoto, komagena lo o bi gogobu yangodu bilasu niajaga, maro o sowohi moi wojaga de wapalihara to una awi duba. La Una Awi gogobu gena ngini bilasu niojaga, sababu ma ngale Awi dodara so wihike ma Ngopa womatetengo wosone, la ma ngale o nyawa ona magena o Gikimoi aku waaka to Una Awi nyawa masirete.

Rasul 22:21

Kagena de o Jou wotemo kali ngohika, ‘Saulus! Notagi bato! Sababu Ngohi asa tonisulo notagi o bi nyawa o Yahudika yasowo de o doku ikukuruka.’ ”

Rasul 4:36

Komagena imaaka so o Yusuf, una o Lewi ma nyawa moi awi sihino o Siprusno, de o bi rasulka iwisiaso lo o Barnabas (ma ngale una o orasi isigeto-geto o nyawa ipopeleso wasiduduga),

Rasul 6:4

De ngomi manena o orasi isigeto-geto ka misumbayang de ka o habari daloloha misihabari bato.”

Rasul 8:29

So kagena de o Gurumi Datetebi wotemo o Filipuska, “Nahika awi padati ma dateka, de notagi nowimote-mote.”

Rasul 9:15

Duma o Jou Yesus wotemo unaka, “Notagi bato! Sababu Ngohi towihiri una ma ngale to Ngohi Ai manara wamoku, ena gena una wosihabari ma ngale Ngohi kiaka o Israel ma nyawaka, de o nyawa o bi bangsa ma somoaka, de lo manga kolanoka.

Roma 1:1

Ngini ai dodiao nipipiricayaka o gogobu nigogoge o Roma ma kotaka. Ngohi manena Paulus o Yesus Kristus Awi leleani moi, de o Gikimoi woihiri de woisulo maro Awi sosulo moi. Ngohi woisulo ma ngale Awi habari daloloha magegena tosihabari.

Roma 10:15

De lo nakoso o nyawa la ma ngale Awi habari Una wasulo waasi isihabari, de idodooha o nyawa itagi isihabari. Kanaga Una Awi Jaji ma Buku ma rabaka itemo, ‘Igogou, o nyawa la kanaga yahino o habari daloloha yosihabari gena, o manara moi magena daloha icarawa.’ Ngaroko o Gikimoi wojaji komagena, duma Awi jaji magena wosiganapu waasi.”

Roma 15:16

la ma ngale o Yesus Kristus Awi manara taaka o Yahudika ma nyawa yasowo manga sidongirabaka. De kanaga Una magena ngohi woisitatapuka, la o Gikimoi Awi habari daloloha asa tosihabari onaka ma ngale ona aku iwipiricaya ma Kristuska, sidago o Gikimoi Awi Gurumi asa manga dorou wasisa de ona gena wadehe daloha. Maro idodomaka o bi nyawa manga suba gena aku o Gikimoi wadehe daloha.

1 Korintus 12:11

Magena dangodu ka o Gurumi womatetengo Awi manara de Una o cocatu moi-moi magena wositoku o nyawaka, mote to Una Awi dupa masirete.

1 Korintus 7:5

Upa ma roka de ma pedeka imakitinga so imasikiidu kawa. Ka cawali ona imakomote daloha la imatinga upa iteka, ma ngale o orasi yamake la ona yasinoto aku isumbayang. Duma isumbayang magena daboloka, de ona bilasu iliho imarimoi kali. Sababu ma duuruka upa sidago manga nyafusu gena yapareta yapohawa, de o Iblis aku wabaja so ona o nyafusu ma dorouku yotura.

2 Korintus 11:27

To ngohi ai gia ma manara gena foloi ilamo de datubuso. Ma para idala idadiwa ngohi tomaidu, toodo, eko toudo. Ma para idala lo ngohi isapi, ialo, de lo ai baju ikurangi.

2 Korintus 6:5

Ngomi gena o nyawa mingangapoka, de o buika miumoka, de lo o nyawa yadala iroruwahe gena ngomi imisikangamoka. Ngomi mimanara datubuso, sidago lo mamoi-mamoi miaakuwa mimaidu eko lo miodo.

Galatia 1:15

Ngaroko taaka komagena, duma ma orasi ngohi isibuo waasi, de o Gikimoi to Una Awi laha woihike ngohika, so woihirika de woiasoka la ma ngale Una asa towileleani.

Efesus 3:7

Ngohi ai manara o habari daloloha tosihohabari gena o cocatu moi foloi ilamo, sababu o Gikimoi Awi laha so asa ngohi woitide la todadi to Una Awi nyawa womomanara moi. So Una de Awi kuasa lo asa ngohi woisiputuru la magena aku taaka.

Kolose 4:17

De lo niwisingangasu o Arkhipuska nitemo, “Ani manara idomaka o Jou wositatapu la ngona naaka gena, bilasu nosibolo de nositiai dabolo kasi.”

1 Timotius 2:7

Ma ngale o habari magegena so ngohi isitatapu todadi o sosulo moi la totagi tosihabari, la o kia ngohi totetemo gena itero de tinikulaiwa. Komagena ngohi bilasu tasihabari o habari itotiai o Yahudika ma nyawa yasowo, la ona magena lo bilasu yopiricaya.

2 Timotius 1:11

De ngohi masirete isitatapuka maro o sosulo moi la o habari daloloha magena tosihabari de tadoto,

2 Timotius 2:2

De o dodoto o kia ma orasi o nyawa yadadala manga simaka noiise ngohino, magena bilasu nahike o nyawa nagoona manga sininga dalolohaka de ngona aku napiricaya, de ona lo aku yodoto itiai o nyawa ma somoaka.

2 Timotius 4:11

So ona yamuruo naga ngohi iririwo gena ka cawali o Lukas womatengo wogogesi dede ngohi. So, Timotius, ma orasi ngona nahino tanu o Markus lo nowingaho wahino ngohino, sababu una aku ngohi woiriwo,

2 Timotius 4:5

Duma ngona gena, ngaroko o sangisara ma rabaka eko lo o loha ma rabaka, bilasu ani sininga de ani rohe ma nyafusu gena napareta daloha. Bilasu ngona o sangisara namoku, de o habari ma ngale Yesus Kristus gena notagi nosihabari. So ani manara ma rabaka o kia o Gikimoi wonisitatapuka dangodu magena bilasu namanara.

Ibrani 5:4

De lo o nyawa moi lo womatidewa la wodadi o Imam Wilalamo moi. O nyawa moi la kanaga wodadi o Imam Wilalamoka, una magena cawali ka o Gikimoi asa witide de wiaso ma ngale o manara magena waaka, maro idodomaka o kia naga idadadi o Harunka.