Rasul 13:16 - O GIKIMOI AWI JAJI ma BUKU

¹⁶ Gila-gila o Paulus womaoko so wapomaka, de wotemo, “Ai gianongoru o Israelka ma nyawa de o bi nyawa ma somoasi nisusuba o Gikimoika! Hika ningodu gena ai demo nisigise!

Rasul 13:16 Iomraidhean Croise

Matius 11:15

He! Ngini de nia ngauka tanu niise la nianako.

Lukas 1:22

Ma orasi una wosupuno, de waaku kawa wobicara onaka. Una ka cawali de awi gia wositumu-tumu koloko imomou de wobicara he waakuwa. So o nyawa magena yanako o Gikimoi Awi Tahu ma rabaka de o gogelelo o Gikimoino wamakeka.

Lukas 1:50

Una Awi galusiri gena kanaga o nyawa yangodu hitilahi ona wisusuba, gena sidago manga ngopa de manga danoka.

Lukas 23:40

Duma o nyawa ma dorou moili una magena awi dodiao gena wisidapano, wotemo unaka, “Awadede! Bilasu ngona nowimodo o Gikimoika. Ngona lo nisisala so nitooma maro Una.

Rasul 10:2

Una magena de to una awi tahu ma raba moi manga sigogise daloha o Gikimoika de Unaka wodupa wisusuba. Una awi roriwo idala wahike o Yahudi ma nyawa isususaka de lo wodupa wosumbayang o Gikimoika.

Rasul 10:35

duma o bi nyawa o dunia ma rabaka dangodu nagoona Una wihohoromati de manga manara o moi-moi o kia itotiai to Una Awi simaka, ona magena Una wadupa.

Rasul 12:17

O Petrus wapoma de una wasingangasu onaka ma ngeko idodooha o Gikimoi wisisupuka o bui ma tahu ma rabano. So una wotemo, “Nitagi o Yakobuska la niwidedemo komagena lo to ngone nanga dodiao ipipiricaya ma somoaka.” So dabolo de o Petrus o tahu magena wodongosa de wotagi o riho ma somoaka.

Rasul 13:26

Ai gianongoru de ai awabira ningodu, o Abraham awi ngopa de awi dano, de o bi gianongoru ma somoasi nidupa niwisusuba o Gikimoika, o Gikimoi Awi salamati ma habari gena inasiado ngoneka.

Rasul 13:46

Kagena de o Paulus de o Barnabas foloi yobarani so ibicara itemo, “O Gikimoi Awi demo bilasu idoma kasi minidedemo ngini o Yahudika. Duma ngini niopiricaya niholu so komagena isikelelo, ngaroko itiaiwa ma ngale niamake o oho ikokakali. Mutuwade o orasi manena ngomi minidohaka la ma ngale mitagi o Yahudika ma nyawa yasowoka.

Rasul 19:33

So kanaga o Yahudika ma nyawa wihiri o nyawa moi awi ronga o Aleksander la ma ngale una wotagali wabicara ona yadadala manga simaka. So o Aleksander o nyawa yadadala magena wapomaka, de tanu una masirete asa wasinako itiai onaka.

Rasul 2:14

So kagena o Petrus de o rasul ma somoa yamogiowo de moi imaokoye, de una wobicara o bi nyawa yadadalaka, awi ili walamo-lamo wotemo, “O gianongoru de lo o nyawa ningodu o Yerusalemka nigogoge! Hino la bilasu o hali manena tinisingangasu nginika, so niise nisidodiahi.

Rasul 2:22

O gianongoru! Tanu niise o kia ngohi totetemo magenena: O Yesus o Nazaret ma nyawa, Una o Gikimoi wisulo la wahino nginino. Magena igogou de itiai, sababu o Yesus waaka nginika o nonako ihahairani, gena winisikelelo o Gikimoi Awi kuasa to ngini nia sidongirabaka. So dangodu magena ngini masirete lo nianakoka.

Rasul 21:40

Awi gogolo komagena so ma kapita wisimaha daloha o Paulus aku wobicara. So o ngute-nguteka o Paulus womaokoye de awi gia wasipoma o nyawa yadadalaka la ona magena imapopongo. So kagena de ona imapopongoka, de o Yahudika manga bahasa Ibrani o Paulus wobicara onaka wotemo,

Rasul 22:22

So o bi Yahudika ma nyawa ona magena o Paulus awi bicara isigise, sidago wotemo asa una wotagi o bi nyawa o Yahudika yasowo. Dabolo de ona imatoore itemo, “O nyawa maro una manena gena bilasu upa wooho, so powitoomaka bato!”

Rasul 3:12

Ma orasi o Petrus wakelelo o bi nyawa ona magena, de una wotemo onaka, “He, ai gianongoru de ai awabira! Upa lo niohairani ma ngale o hali idadadi manena. Upa lo nimaginano ngomino. Dadoohaso ngini nia sininga ma rabaka itemo, o nyawa una magena aku wotagi sababu de to ngomi mia kuasa masirete, eko nagala de to ngomi miaaka o bi moi-moi o Gikimoi wodudupa.

Gogelelo 2:11

He! Ngini nakoso de nia ngauka tanu, niise o kia Ngohi de o Gurumi Datetebi so mitemo o bi gogobu-gogobuka. O nyawa nagoona nakoso o dodoto ikokulai yaholu de Ngohi ipiricaya daputuru maro o prajurit moi imakudubu sidago lo watura, so ona magena ngaroko manga rohe isoneka, duma upa sidago ona asa isone ma sinoto kali. Gena upa sidago o narakaka yaumo.”

Gogelelo 2:17

He! Ngini nakoso de nia ngauka, tanu niise o kia Ngohi de o Gurumi Datetebi so mitemo o bi gogobu-gogobuka. O nyawa nagoona nakoso o dodoto ikokulai yaholu de Ngohi ipiricaya daputuru maro o prajurit moi imakudubu sidago lo watura, so ona magenaka asa Ngohi tahike o ino manna yaiihu, ena gena o kia yadodiahi o sorogaka de lo tahike o teto daaare moi. O teto magenaka kanaga yalefo o ronga damomuane de magena o nyawa nagoona lo yanakowa ka cawali ona masirete yamamake asa yanako.”

Gogelelo 2:29

He! Ngini nakoso de nia ngauka, tanu niise o kia Ngohi de o Gurumi Datetebi so mitemo o bi gogobu-gogobuka.”

Gogelelo 2:7

He! Ngini nakoso de nia ngauka, tanu niise o kia Ngohi de o Gurumi Datetebi so mitemo o bi gogobu-gogobuka. O nyawa nagoona nakoso o dodoto ikokulai yaholu de Ngohi ipiricaya daputuru maro o prajurit moi imakudubu sidago lo watura, so ona magena asa Ngohi tasimaha o oho ma gota ma sopo, kiaka o Gikimoi Awi goge daloloha (eko o Firdaus) ma rabaka, yadehe la yaodo so yooho ka sidutu ikakali.”