Rasul 12:11 - O GIKIMOI AWI JAJI ma BUKU

¹¹ Magena de asa o Petrus womanako o kia idadi unaka, so wotemo, “O orasi manena asa ngohi tanako igogou o Jou Awi malaikat wasulo la ngohi woisiraro o Herodes awi pareta ma rabano de o Yahudika manga roriri manga edekati datotorou ma ngale ngohi tanu itooma.”

Rasul 12:11 Iomraidhean Croise

Dodadi 15:13

Kagena de o Jou wotemo, “Nososininga bai, ngona masirete done asa ani umuru ikuru de asa nosone lo nososanangi sidago lo nipoosu. Duma ani ngopa de ani dano done asa igoge maro o nyawa itatagino o doku ma somoaka, de o doku ma duhutu magena asa yaduhudu so yasidipito dasiri ma deka o taungu o ratu iha. Duma Ngohi asa tafanggali dasiri o bangsa nagoona yasidodipito ona magenaka, dabolo de ma orasi ona o doku magenano isupu de yodongosa done asa manga arata de manga moi-moi gena yaaho idala.

Dodadi 18:13

Kagena de o Jou wisano ma rokaka wotemo, “Dadoohaso ani pedeka modohe de mongakuwa, ngaroko miperekika, done asa ka maakusi o ngopa yanau moi mosibuo.

Dodadi 26:9

Ma sababu komagena so wosulo o Ishak iwiaso la awi simaka, de wotemo, “Ce! O ngopedeka magena, ngaroko lo ani pedeka, de dadoohaso ngona notemo muna gena ka ani bira moi.” De o Ishak wosango wotemo, “Awadede! Baba, ngohi imodo poli, nakoso totemo muna magena to ngohi ai pedeka, de ma ngale muna gena o nyawa done asa ngohi itooma.”

Lukas 15:17

So kagena awi susa ma rabaka, una asa wamamalo wotemo, ‘O bi nyawa imomanara ai babaka to ona magena manga ino ka de ma boloi, duma nako ngohi kanena isapi gena he dangade tosone bai!

Rasul 12:7

Imatodoka o Jou Awi malaikat moi imaokoye de o nita yodisiwa o bui ma ngihi ma rabaka. Kagena de o malaikat o Petrus iwisosihito sidago womomi, de itemo unaka, “He! Taika nomaoko!” Gila-gila awi rate awi giaka ipalako so ituraka.

Rasul 24:27

Kanaga ma deka o taungu sinoto ipasaka, de ma Gubernur Feliks asa wihoi so o Perkius Festus witagali wodadi gubernur, duma o Feliks ka wodupasi o Yahudika manga roriri manga sininga wadehe la ona widupa unaka, so o Paulus gena ka widohaka o bui ma rabaka.

Rasul 25:9

Duma o Festus wodupa o Yahudika manga roriri wasisanangi, so una o Paulus iwisano wotemo, “Ngona ka nomote notagi o Yerusalemka, la to ona manga galaki moi-moi magena kadoka asa ngohi tatailako la tonihakim?”

Rasul 5:19

Duma daputuku de o Jou Awi malaikat moi yahino o bui ma ngora yapelenga de yangaho so yasisupu o buino. So kagena de o malaikat magena yasulo onaka,

Ibrani 1:14

So nako o bi malaikat ona magena, yangodu o Gikimoi Awi leleani kiaka wasusulo la ona itagi ma ngale o nyawa nagoona done Una wasisalamati gena, ona yaleleani.

2 Petrus 2:9

Sababu o Jou waaka komagena, so ngini aku nianako igogou-gogou Una gena ka waaku nakoso o nyawa yodupa yaaka o bi moi-moi maro Una wodudupa gena, o sangisara ma rabaka lo wasisupu, de nakoso o nyawa yodupawa yaaka o bi moi-moi maro Una wodudupa gena, wabui ma ngale yodamaha ma wange yaado done manga dorou ma sopo wafanggali de o dorou.