Rasul 10:3 - O GIKIMOI AWI JAJI ma BUKU

³ So kagena de o wange ma moiku, nagala o cako saange, awi gogelelo moi o Gikimoino gena, igogou una wakelelo o Gikimoi Awi malaikat moi yahino de una wiaso, “Kornelius!”

Rasul 10:3 Iomraidhean Croise

Matius 27:46

Sidago o cako saangeka de o Yesus womatoore, Awi ili wapoputuru, “Eli, Eli, lama sabakhtani!” Gena o Yahudika manga demo ma ngale gena, “Ai Gikimoi, Ai Gikimoi, dadoohaso Ngona noidongosa Ngohi!”

Lukas 1:11

Kagena de o Jou Awi malaikat moi yahino de imaokoye o suba o manyanyi yatutupu ma riho ma girinaka.

Lukas 2:13

Imatodokali o malaikat magena dede kanaga o malaikat ma somoali o sorogano idala icarawa imasimane, de ona o Gikimoi wigiliri itemo,

Rasul 10:17

So ma orasi o Petrus ka wogamamusi, de awi gogelelo magena so ka womasosiningasi o kia o Gikimoi Awi dupa o unaka la bilasu una waaka, de o nyawa yaruwange o Kornelius wasusulo ona magena o Simon awi tahu yasari so yamake de ma ngoraka imaokoye.

Rasul 10:19

De o Petrus awi gogelelo ma gamamu ka watohosi, de o Gurumi Datetebi wotemo, “He, Petrus! Kagenadahu o nyawa yaruwange gena ngona nisari.

Rasul 10:30

De o Kornelius wosango wotemo, “Kapagange nagala o cako saange ma orasi komanena, de ai tahu ma rabaka tosumbayang. Tomatodoka o nyawa moi awi baju isisiru ai simaka womaokoye.

Rasul 10:9

Ma langino ona yaruwange itagi so manga dodagi ma rabaka gena o Yope ma doku he yadumuka, de o wange itiaika so o Petrus o tahu ma nguteye wodola la ma dokuka wosumbayang.

Rasul 11:13

So kagena de o Kornelius womisingangasu ngomika, idodooha idomaka una o malaikat moi wakelelo imaokoye awi tahu ma rabaka de itemo, ‘O nyawa nasulo o Yopeka itagi la wiaso o nyawa moi awi ronga o Simon wisiaso lo o Simon Petrus.

Rasul 27:23

Ngohi tanakoka, sababu kaputuka asa o Gikimoi towisusubaka de Awi manara taaakaka, gena wasulo o malaikat moi so yahino ai dateka imaokoye de isingangasu ngohika itemo,

Rasul 3:1

O wange moiku o cako saange so ma orasi yaadoka o Yahudika yodupa isumbayang, de o Petrus de o Yohanes itagi o Gikimoi Awi Tahuka.

Rasul 5:19

Duma daputuku de o Jou Awi malaikat moi yahino o bui ma ngora yapelenga de yangaho so yasisupu o buino. So kagena de o malaikat magena yasulo onaka,

Rasul 9:10

Kanaga o Damsyikka o nyawa moi o Yesus wipipiricayaka awi ronga o Ananias. De o Ananias awi gogelelo moi o Gikimoino wakelelo gena o Jou Yesus wotemo unaka, “Ananias!” De o Ananias wopalu, “Ya Jou, ngohi kanena de Ani bicara o kia ngohi toise.”

Rasul 9:4

De una awi jaraka de wotura o tonaku de o ili moi woise itemo unaka, “Saulus, Saulus! Dadoohaso Ngohi noisangisara.”

Ibrani 1:14

So nako o bi malaikat ona magena, yangodu o Gikimoi Awi leleani kiaka wasusulo la ona itagi ma ngale o nyawa nagoona done Una wasisalamati gena, ona yaleleani.

Ibrani 1:4

Igogou, Una magena wodadi foloisi wolamo de o Gikimoi Awi malaikat-malaikat, de o ronga kiaka o Gikimoika wamamake gena ma horomati foloisi ikuruye de to bi malaikat manga ronga.