Rasul 10:15 - O GIKIMOI AWI JAJI ma BUKU

¹⁵ Kagena de o ili magena itemo kali unaka, “O kia o Gikimoi wotemo magena aku ka paodo, upa ani sininga ma rabaka itemo yaakuwa.”

Rasul 10:15 Iomraidhean Croise

Matius 15:11

O ino kia ngone paodo la iwosa nanga uruko, gena akuwa inasitorou bai! Cawali o kia nanga uruno isusupu magena inasitorou o Gikimoi Awi simaka.”

Markus 7:19

Sababu o kia waoodo magena to una awi siningaku iwosawa, duma iwosa awi pokoku, so ma duuru de wosihoho so isupu kali.” (De o Yesus Awi demo manena Una wasingangasu, so o ino dangodu gena aku ngone paodo.)

Rasul 10:16

O gogelelo magena sidago isipara lo ma saange, dabolo de asa o baro magena itide o sorogaye.

Rasul 10:28

So una wotemo onaka, “Baba-baba, ngini masirete nianakoka ngomi o Yahudika ma nyawa mia agama ma bobita gena misimahawa mimakanako de o nyawa o bi bangsa ma somoa. Ngaroko komagena, o Gikimoi ngohi woisikeleloka akuwa potemo o ino magena to ngohi ai boboso moi de lo poodo dede o nyawa o bi bangsa ma somoa magena lo to ngohi ai boboso.

Rasul 11:9

Kagena de o ili magena itemo kali o sorogaku, ‘O kia o Gikimoi wotemo magena aku ka paodo, upa ani sininga ma rabaka itemo yaakuwa.’

Rasul 15:20

Duma o surati moi polefo onaka o bobita ngai muruo naga ma demo, gena komanena: bilasu upa o lake o bi goma isisusuba gena yaodo, de upa o bi haiwani yagogohore la isoneka de yaodo, de upa lo ma au yaudo.

Rasul 15:29

Bilasu upa o lake o bi gomaka isisusuba gena niaodo, upa lo o bi haiwani ma au niaudo, upa lo o bi haiwani yagogohore la isoneka de niaodo de lo upa o bi nyafusu ma dorou niaaka. Nakoso ngini nimasitiari la o dorou ma manara magena niaaka niholu, magena asa niamanara itiai de daloha. Sidago kagena. De o Yesus Kristus Awi ronga Ngomi o gogobu, de o bi rasul, de o roriri o Yerusalemka

Rasul 15:9

De sababu ona ipiricaya o Yesuska, so o Gikimoi manga dorou wasiapongu dabolo, so bai o Yahudika ma nyawa yasowo de ngone o Yahudika ma nyawa gena o Gikimoi wonahihiriwa.

Roma 14:14

Ngohi de o Jou Yesus mimarimoika, so igogou tanakoka o kia naga ngone paodoka magena moi lo akuwa o dorouka inangaho. Ka cawali nakoso o nyawa la kanaga yamalo o ino kia naga moi datotorou, de igogou magena datorou onaka. So upa sidago ona magena ngini niabaja o ino magena yaodo.

Roma 14:20

Upa sidago ma ngale ka o ino de o Gikimoi Awi manara gena o nyawa ipipiricaya moi awi sininga ma rabaka pasisa. Ngaroko o ino dangodu gena o Gikimoi wonasimaha paodo, duma dalohawa nakoso o ino o kia naga paodo so o nyawa o salaku itura de o kia yamalo itotiai gena yamote kawa.

1 Korintus 10:25

Ka idadi o bi sihode moi-moi o pasarka isiiija gena dangodu ka paodo. Upasi patuga podoma de pahiri nagala o serika isisubaka eko hiwa.

Titus 1:15

Nakoso o nyawa manga sininga ibolowo, asa manga manara moi-moi dangodu magena itiai o Gikimoi Awi simaka. Duma nakoso ona o Yesus Kristus iwipiricayawa, manga sininga asa datorou so manga manara moi-moi lo dangodu gena asa datorou o Gikimoi Awi simaka. Komagena lo o guru ikokulai ona manga siningaka cawali yasosininga o dorou de lo manga sininga ma rabaka datogoi sidago lo itemo manga manara datotorou gena dangodu itiai.

Gogelelo 14:20

O kota magena ma duduka o nyawa o anggur isitetehoka de ma bosoku iuhi gena ikakuka, imatero maro o bi nyawa ma dorou watoomaka de manga au iuhi, sidago ma gaku he o kilo ratu saangeka de ma luku magena he o meter sinotoku.