Rasul 1:16 - O GIKIMOI AWI JAJI ma BUKU

¹⁶ “Ai dodiao nipipiricaya ningodu! O kia isilelefo idomaka o Gikimoi Awi Jaji ma Buku ma rabaka, ena gena kiaka o Gurumi Datetebi wosingangasu o Daudka, ma ngale o Yudas gena womadadika o bi nyawa o Yesus witatago manga roriri la wangaho, magena bilasu idadi.

Rasul 1:16 Iomraidhean Croise

Matius 26:14

La o Yudas Iskariot o muri moi, o Yesus Awi muri yamogiowo de sinoto manga dongirabano, awi edekati datorou. So wotagi o imam ma bi saheka,

Matius 26:47

Ma orasi o Yesus wobobicarasi, de o Yudas, o Yesus Awi muri moi yamogiowo de sinoto manga dongirabano, womasidiado. Una magena wahino de o nyawa yadadala manga giaka o sumarangi de o gogipongo ilalamo. Ona magena o imamka ma bi sahe de lo o bi Yahudika ma roriri gena to ona manga nyawa yasusulo.

Matius 26:54

Duma nakoso ona Ngohi itatago magena ngone palawangi, de o kia naga idomaka o Gikimoi Awi Jaji ma Buku ma rabaka isilelefo gena asa isiganapuwa, kiaka itetemo o bi moi-moi dangodu magena o orasi manena bilasu idadi de imaaka Ngohika.”

Matius 26:56

Duma igogou bilasu komagena, sidago idadi de imaaka maro o kia idomaka o bi nabi-nabi isilelefo o Gikimoi Awi Jaji ma Buku ma rabaka.” Kagena de Awi muri-muri yamodo so yoloda de Una widongosaka.

Markus 12:36

Salanta o Daud masirete lo de o Gurumi Datetebi ma kuasa sidago wiaso Una ma Jou, wotemo komanena, ‘O Jou Gikimoi wotemo ai Jouka: Nomatamiye to Ngohi Ai girinaka la Ai horomati namake sidago Ani saturu taaka la yahino inisuba Ngonaka.’ So nakoso igogou o Daud wiaso Una awi Jou, done imaaka idodooha so ona itemo, o Salamati ma Kolano Awi aheli ma sihino o Daudno.” O nyawa yadala kagena de ona magena yodupa yoise o Yesus wodoto.

Markus 14:43

Ma orasi o Yesus wobobicarasi, de o Yudas, o Yesus Awi muri moi yamogiowo de sinoto manga dongirabano, womasidiado. Una magena wahino de o nyawa yadadala manga giaka o sumarangi de o gogipongo ilalamo. Ona magena o imamka ma bi sahe, de o bi guru agama, de lo o Yahudika ma roriri gena to ona manga nyawa yasusulo.

Lukas 22:47

Ma orasi o Yesus wobobicarasi, de imatodoka o nyawa yadadala imasidiado. De lo o Yudas, Awi muri moi yamogiowo de sinoto manga sidongirabano, una magena ona wangaho. Ona imasidiadoka, de o Yudas wotagi o Yesuska, wodupa witabea de wihame.

Yohanes 10:35

O kia naga Awi Buku ma rabaka gena itiai de akuwa patagali. Ona idomaka Awi demo wasibobicaraka magegena Una waaso ‘o bi giki daloloha’.

Yohanes 13:18

O kia naga Ngohi tinidedemo nginika gena nia sininga ma dorou yatiodoka, kanaga tinisidumu duma ningoduwa. Kanaga moi una o nyawa ma dorou, una towisidumuwa, sababu o nyawa nagoona Ngohi tahihirika, ona magena igogou Ngohi tanako. Duma Ngohi tinidedemo komagena, la ma ngale isiganapu maro o kia isilelefo idomaka o Gikimoi Awi Jaji ma Buku ma rabaka itemo, ‘Kanaga o nyawa moi woodo dede Ngohi, una magena done asa womadadi to Ngohi Ai lawangi.’

Yohanes 17:12

Ma orasi Ngohi kanaga dede onasi gena, de Ani kuasa noihihike Ngohika aku ona tajaga. Ona yangodu gena igogou tajaga daloha, so upa sidago ona magena yasisa. Ka cawali una moi kanaga o dorou ma sopo wamamake, la ma ngale o kia idomaka isilelefo Ani Jaji ma Bukuka gena isiganapuka.

Yohanes 19:36

O bi moi-moi magena imadadi ma ngale asa isiganapu o kia idomaka isilelefo o Gikimoi Awi Jaji ma Buku ma rabaka itemo, “Awi kobo moi lo asa upa yatepi.”

Rasul 1:20

De o Petrus wobicara kali wotemo, “O Yudas wodadi manga roriri gena sababu kanaga isilefo o Mazmur ma Bukuka, itemo komanena, ‘Awi tahu magena bilasu yodongosaka, de bilasu o nyawa moi lo upa yogoge.’ Kanagali isilefo komanena, ‘Bilasu o nyawa ma somoa awi manara yatagali.’

Rasul 13:15

Kagena o Gikimoi Awi bobita ma buku o Musa wosilelefoka de o nabi manga buku yabaca daboloka, de o puji ma tahu ma roriri isulo so o nyawa yagolo o Paulus de o Barnabaska itemo, “O gianongoru o Israelka ma nyawa, nakoso kanaga de nia dupaka o bi nyawa manena niasiduduga, de hino la ngini ona manena niadoto.”

Rasul 13:38

Mutuwade o bi gianongoru, bilasu minisihabari nginika la aku nianako ma ngale o Yesus Una magena o ngeko so kanaga nia dorou lo aku o Gikimoi wosiapongu.

Rasul 15:13

De ona isibicara daboloka, de o Yakobus una o Yerusalemka ma gogobu manga sahe wosingangasu wotemo, “O gianongoru nipipiricaya, hika nisigise!

Rasul 15:7

De ona iteka isibicara de imatekesikadailako, so dabolo o Petrus womaoko de wotemo, “O gianongoru nipipiricaya! Ngini ningodu nianakoka idodoma nia sidongirabano o Gikimoi ngohi woihirika, ma ngale o habari daloloha tosihabari o bi nyawa, ngaroko o Yahudika yasowo, la ona lo aku yoise de iwipiricaya o Yesuska.

Rasul 2:23

Imamote de o Gikimoi Awi edekati so wositatapu daboloka, o Yesus bilasu wisidoa nginika, so o Gikimoi wanako done asa isiganapu. De ngini Una niwisidoa o nyawa yatotorouka, de ona niasulo la iwisidasangahadi sidago wosone.

Rasul 2:37

Ma orasi o nyawa ona magena yoise o demo magegena, ona manga sininga yaruwaheka. So ona imasano o Petruska de o bi rasul ma somoaka itemo, “O gianongoru, so ngomi manena bilasu o kia miaaka ma ngale mia manara datotorou magena.”

Rasul 22:1

“Ai gianongoru de ai roriri! Orasi manena ngohi todupa todedemo maro ai sango moi ngini ningodu nia simaka, so hika nisigise nisidodiahi!”

Rasul 23:1

So kagena de o Paulus wakeri-keri o Mahkamah Agama ma nyawaka, de una wotemo, “Ai gianongoru, ma dekaka sidago o wange manena gena tamalo o Gikimoi Awi simaka ai sininga de ai manara ma rabaka ai sala ihiwa.”

Rasul 23:6

De o Paulus una wanako ona o mahkamah ma nyawa lo ma binuka o Sadukika de o Farisika ma nyawa, so una womatoore de awi ili walamo-lamo wotemoli onaka, “Ai baba-baba, ngohi manena ai baba o Farisika ma nyawa so ngohi lo o Farisika. Sababu ngomi o Farisika gena miopiricaya o nyawa isosoneka done asa ioho kali, so ma ngale magegena ngohi ingaho o hakimno!”

Rasul 28:17

So o Paulus o Roma ma kotaka womasidiado o wange saangeka, de una o Yahudika ma bi roriri gena waaso. So ona yahino imatolomuno, de una wotemo, “Ai dodiao nipipiricaya, ngaroko to ngohi ai sala ihiwa ma ngale o Yahudi manga roririka eko tatilakuwa to ngone nanga ete de nanga topora manga adati, duma o Yahudika ma nyawa o Yerusalemka ona iaka sidago ngohi itago de o buika isingosaka, dabolo de itotali o Kaisar Roma awi bobaretaka.

Rasul 28:25

So kagena ona imatekesikoholu de imasidailako, so tanu imajobo iliho, de o Paulus wasitemo o Yahudi manga roririka magena de o demo moi, gena komanena, “Igogou de itemo ma ngale ngini manenaka, kiaka o Gurumi Datetebi ma nabi Yesaya iwisingangasu ma ngale nia ete de nia topora idodomaka, gena komanena,

Rasul 7:2

Kagena de ma ngale manga sahe ma dogoi magena o Stefanus wasidapano wotemo, “Ai baba-baba de ai gianongoru! Hika ningodu gena ai demo nisigise! Ma orasi idodoma to ngone nanga ete de topora o Abraham o doku Haranka womatuluru waasi, so o Mesopotamia ma tona kasi, de o Gikimoi de Awi mulia isiru-siru gena womasimaneka,

1 Petrus 1:11

Kanaga ma Kristus Awi Gurumi manga sininga ma rabaka wasingangasu onaka, Una done asa o sangisara widahe de ma duuruka lo asa o loha widahe ifoloisi idala. So magena muruoka de ma dongoho kiaka ona yodupa yanako, so ona yatailako isidodiahi.

2 Petrus 1:21

Sababu o Gikimoi Awi nabi idodoma o demo isingongangasu magena upa o nyawa manga dupa masirete, duma ka Una Awi Gurumi Datetebi ma dupa so yodedemo.

2 Petrus 2:21

Lebelaha o nyawa ona magena yanakowa ma ngeko idodooha ngone nanga sininga itotiai aku pamake. Sababu ngaroko ona magena yanako idomaka, duma o orasi manena ona yopiricaya kawa de lo o bobita yaholu ngaroko o Gikimoi Awi sosulo-sosulo isingangasuka.