Rasul 1:14 - O GIKIMOI AWI JAJI ma BUKU

¹⁴ Kagena ona dede ongo Maria, o Yesus ma awa, de o Yesus Awi nonongoru, de lo o bi ngopedeka yangodu imatolomuno de manga sininga ka ka moi la o wange isigeto-geto isumbayang.

Rasul 1:14 Iomraidhean Croise

Matius 12:46

O Yesus wabicarasi o nyawa yadadalaka, de ma awa de Awi gianongoru yahino. So yahika kagena o tahu ma dudu kasi, de o nyawa moi iwisulo o Yesus wiaso.

Matius 21:22

Igogou, o kia bato nisumbayang de nimagolo, nakoso niopiricaya, de igogou ngini asa niamake.”

Matius 27:55

Kagenadahu lo o bi ngopedeka yadadala yakelelo ma soa sutu ikuruka. Ona magena idomaka ma orasi o Yesus o Galilea ma bi dokuka so Una wimomote de wiriwoka.

Markus 15:40

Kagenadahu lo o bi ngopedeka yamuruo naga yakelelo ma soa sutu ikuruka. Manga sidongirabaka kanaga ongo Salome, ongo Maria Magdalena, de lo ongo Maria, o Yakobus o gohiduuru magena de lo o Yoses to ona manga awa.

Markus 16:1

Ma orasi o Sabat ma wange ipasaka, de ongo Maria Magdalena, ongo Maria o Yakobus ma awa, de lo ongo Salome itagi o bi rapa iija ma ngale o Yesus Awi sone ma bake isimuja.

Lukas 11:13

So ngini o nyawa, ngaroko nia sininga itiai waasi, duma kanaga o kia naga daloha niahike nia ngopaka. Nako komagena niaaka, de ka igogou o Gurumi Datetebi lo nia Baba o sorogaka asa wahike nakoso o nyawa nagoona igolo Unaka.”

Lukas 18:1

Dabolo de o Yesus o ade-ade moi wadoto Awi muri-murika, la ona magena bilasu yosumbayang ikaeli de upa manga sininga daceke.

Lukas 23:49

Nako o nyawa Una winanako de lo o bi ngopedeka ma orasi Una o Galilea ma dokuka so wimomote de wiriwoka, ona yangodu kagenadahu lo o kia naga idadadi magena dangodu yakelelo, gena ma soa sutu ikuruka.

Lukas 23:55

Komagena so o bi ngopedeka, o Yesus o Galileano wimomote, ona magena o Yusuf wisiduuru yahika o boosuka, de kagena ma rabaka yananano idodooha o Yesus wipoosu.

Lukas 24:10

O ngopedeka, kiaka isingongangasu, ona magena ongo Maria Magdalena, ongo Yohana, ongo Maria o Yakobus ma awa de lo o bi ngopedeka ma somoasi imakokomote dede ona.

Lukas 24:33

So o orasi magena dabolo de ona lo imajobo yoliho o Yerusalemka, de yamakeka o Yesus Awi muri yamogiowo de moi imatolomuno de o nyawa ma somoasi.

Lukas 24:53

De o wange isigeto-geto ona asa o Gikimoi Awi Tahuka igogeku de iwisigiliri Unaka.

Lukas 8:20

De o nyawa moi yadadalano wosibicara Unaka wotemo, “Ai tabea, Baba. Ani awa de Ani gianongoru ona yodupa nimakamake de Ngona, ona kadoke naga ma duduka itamaha bai!”

Rasul 2:1

Ma orasi o Pentakosta ma Wange ilalamo imasidiadoka, de o bi nyawa ipipiricaya ona magena yangodu imatolomu o tahu moika.

Rasul 2:42

De o bi nyawa ona magena ifoloi ikaeli imatolomu o bi rasul manga dodoto yamote de o nyawa ipipiricayaka, so imarimoika gena iodo de iudo lo o Gikimoika isumbayang.

Rasul 2:46

O wange isigeto ona imatekerimoi imatolomuno o Gikimoi Awi Tahuka. De manga nali de manga sininga daloha so yodupa manga tahu moi-moika imatolomuno asa yoodo,

Rasul 6:4

De ngomi manena o orasi isigeto-geto ka misumbayang de ka o habari daloloha misihabari bato.”

Roma 12:12

De bilasu niangongano o Gikimoika gena de nia nali de nia moreka. De nakoso o sangisara nidahe, de magena bilasu niamoku. De nia sumbayang Unaka bilasu upa itogu.

1 Korintus 14:13

Komagena so o nyawa nagoona la kanaga o bi bahasa irupa-rupa o Gurumi Datetebino gena isibicara, ona magena bilasu yogolo la o cocatu moili yamake so o bahasa ma ngale gena aku yadedemo manga dodiaoka.

Efesus 6:18

O moi-moi gena niaaka de magena ma rabaka ngini de Awi Gurumi ma buturu bilasu nia sumbayang o Gikimoika gena upa itogu, la salalu nimajaga de nimasidailako ma ngale Awi nyawa yangodu so aku nigolo Unaka.

Kolose 4:2

Ngini nia sumbayang o Gikimoika gena bilasu upa itogu, la salalu nimasidailako ma ngale nitemo, “Ya, Jou! Igogou, Ngona gena ngomi nomiriwo sababu Ani laha ka ilamo poli!”