Rasul 1:12 - O GIKIMOI AWI JAJI ma BUKU

¹² Kagena o Zaitun ma Talaka, dabolo de o bi rasul ona magena iliho o Yerusalemka, so o talaka de o kotaka ma gaku nagala o kilo moika.

Rasul 1:12 Iomraidhean Croise

Matius 21:1

Ma orasi o Yesus de Awi muri-muri o Yerusalem yadumuka so ona imasidiado o doku Betfage o Tala Zaitunka, kagena de o muri yasinoto wasulo itagi idoma.

Matius 24:20

Hika nigolo o Gikimoika, la niloloda ma orasi magena upa idadi o alo ma orasika eko o Sabat ma wangeka so isusa ngini niloda.

Matius 24:3

Kagena de o Yesus wotagi o Zaitun ma Talaka so ma dokuka wogogeku. De Una ka womatengoka, de Awi muri-muri yahino ma ngale imasano. Ona wisano Unaka itemo, “Baba, hika nomisingangasu muruoka asa o hali notetemo magena idadi. De lo nomisidumu o nonako o kia idadi nakoso Ngona asa nahino de lo ma orasi ma dodogu imasidiado.”

Matius 26:30

Dabolo de ona yangodu yonyanyi wigiliri o Gikimoika. So dabolo de ona isupu de itagi o Zaitun ma Talaka.

Lukas 19:29

Ma orasi ona yadumuka o doku Betfage de o doku Betania o Tala Zaitunka, kagena de o muri yasinoto wasulo itagi idoma.

Lukas 21:37

O orasi magena o wangeka gena o Yesus wodoto o Gikimoi Awi Tahuka, de daputuku Una womasihoika o kota magenano, de wotagi womasidodogu o Zaitun ma Talaka.

Lukas 24:50

So de o Yesus wobicara dabolo de Una wangaho ona so wasisupu o kota ma duduka, sidago o Betania ma dateka. Kagena Awi gia watide la Awi laha wosidumu onaka.

Lukas 24:52

Kagena de ona yobukuku yosuba Unaka, dabolo de manga sininga gena foloi danali ona yoliho o Yerusalemka.

Yohanes 11:18

De sababu o Betania ma doku de o Yerusalem ma kota ma soa gena ikuruwa, ma gaku gena nagala o kilo saangeka,