Lukas 9:43 - O GIKIMOI AWI JAJI ma BUKU

⁴³ So o nyawa yangodu yakelelo de yohairani o Gikimoi Awi kuasa ilalamo magena. Ma orasi o nyawa ka yohairanisi o moi-moi dangodu waaaka gena yakelelo de o Gikimoi Awi kuasa, de Una watemo Awi muri-murika,

Lukas 9:43 Iomraidhean Croise

Matius 17:22

So o Galilea ma tonaka o Yesus de Awi muri-muri imatolomuka, de Una watemo onaka, “Ngohi o Nyawa ma Duhutu manena done asa isidoa Ai saturu manga gia ma sohaka,

Markus 6:51

La Una wahika so manga deruku wopane, de o paro magena lo itoguka de iogoka. So Una Awi muri-muri magena yosawangi de yamodo,

Lukas 18:43

De o orasi magena dabolo wopipilo asa womasigeleloka. Kagena de wotagi o Yesus iwimote-mote, de lo o Gikimoi wisigiliri de wihoromati. De ma orasi o kia naga idadadi magena o nyawa yakelelo, de ona yangodu lo iwisigiliri o Gikimoika.

Lukas 4:36

O bi nyawa yangodu yohairani poli, sidago ona itemo moi de moika, “Wobarani bolo! Una Awi kuasa so aku wapareta o bi toka isupu, de igogou isupuka.”

Lukas 5:26

Ma orasi o kia idadadika gena yakelelo, de o nyawa magena yangodu yamodo de yohairani icarawa, de o Gikimoi wisigiliri itemo, “Igogou! O kia naga ihahairani moi o wange manena pakeleloka.”

Lukas 5:9

Awi demo komagena, sababu una de lo awi dodiao ona yangodu yosawangi yakelelo o nao ma dala komagena de yamake.

Lukas 8:25

So Una wotemo onaka, “He! To ngini nia piricaya gena ihiwa!” Magena de asa Awi muri-muri yohairani de manga modo lo ka manga raba kasi, de imatekebicara moi de moika yotemo, “Wewe! O nyawa Una manena naguuna, so o bi moi-moi dangodu sidago lo o paro de o moku-moku lo ka wisigise.”

Lukas 9:42

Ma orasi o ngopa magena wotagi wimeta o Yesuska, de una wikokitoka magena awi rohe wosipapaka o tonaku, so awi rohe lo iira-iraka. De Una wodusu o toka magena de o ngopa magena wisilohaka. Dabolo de wotemo awi babaka, “Ani ngopa manena nowidehe. Una wilohaka.”

2 Petrus 1:16

Sababu ngomi manena idomaka ngini minidoto daboloka nanga Jou Yesus Kristus wokokuasa gena done asa wahino kali o duniaka. Mia dodoto magegena upa lo nitemo o jarita ifufuma. Komagenawa! Ngomi mianako o dodoto magena igogou, sababu ma orasi ipapasaka, ngomi de Una o talaka, de ngomi masirete miwikeleloka Una Awi kuasa foloisi ilamo.