Lukas 9:3 - O GIKIMOI AWI JAJI ma BUKU

³ De ona imajobo waasi, de wotemo onaka, “Nia dodagi ma rabaka upa lo o kia naga nimagaho. Upa nimagaho o didiki, o karong, o maru eko lo o pipi, de nia baju gena ka nia roheka.

Lukas 9:3 Iomraidhean Croise

Markus 6:7

Una Awi muri yamogiowo de sinoto waaso imatolomu Unano la o kuasa wahikeka, la aku o toka yodusu de wasulo la itagi yasosinoto.

Lukas 12:22

O Yesus wotemo Awi muri-murika, “Kanaga de ma sababu so Ngohi totemo nginika, upa nihawateri eko nitemo, ‘O kia asa poodo.’ Upa he nihawateri eko nitemo, ‘O baju kia asa pomasipake.’

Lukas 12:28

So nakoso ka o dumule, kiaka kanaga o wange manenaka ioho de ilangika asa yatupu so daukuka, gena o Gikimoi ma loha wogaka de ngini manena lo kanaga de nia boloika. Una ngini winipalihara ifoloi daloha bai! De dadoohaso ngini Awi palihara gena niopiricayawa.

Lukas 22:35

Dabolo de o Yesus watemo onaka, “Kangano ma orasi Ngohi tinisulo ngini la nitagi o habari daloloha nisihabari, de Ngohi asa tinisimahawa ngini nimagaho o pipi, eko lo o baro, eko o tarupa o sabi sinoto. Idodooha ngini kanaga niakurangi.” Ona yosango, “Hiwa!”

Lukas 3:11

De una wosango, “Ngini la kanaga nagoona de nia baju la ngai sinoto, gena ngai moi niahike o nyawa kiaka manga baju ihihiwaka. De lo ngini la kanaga de nia ino, hika nisitoku kiaka ona manga ino ihihiwaka.”

Lukas 5:29

Ma orasi magena ipasaka, o Lewi o rarame waaka awi tahuka, de o Yesus womatamiye woodo. De o balastengi itotolomu yadala de o bi nyawa yadala manga sininga datotorou o bi kawasa yahoholu, ona magena lo imatamiye yoodo de o Yesus.

Lukas 9:4

Nakoso o doku moika niwosa de ka o tahu moika nimasidodogu, de upa nimatotuluru ma bati o doku magena niodongosa.

2 Timotius 2:4

De maro o prajurit moi una upa womote o manara ma somoa la waaka to una awi oho de awi dupa masirete, duma bilasu una awi sininga ma edekati gena waaka maro o kia wopopareta wodudupa. So komagena ngona ani sininga ma rabaka cawali nodupa o Yesus Kristuska nowisigise.